Маҷлиси тантанавӣ бахшида ба Рӯзи матбуоти тоҷик

Дар толори Кумитаи иҷроияи Ҳизби Халқии Демократии Тоҷикистон дар вилояти Суғд ба муносибати Рӯзи матбуоти тоҷик маҷлиси тантанавӣ доир шуд. Дар ин ҷамъомад зиёда аз 20 нафар намояндагони ВАО иштирок намуданд.

Раиси КИ ҲХДТ дар вилояти Суғд Сатториён Матлубахон Амонзода аҳли қаламро бо иди касбӣ табрик намуда, барояшон дастовардҳои шоистаи эҷодӣ орзу кард.

Таъкид шуд, иди касбии рӯзноманигорон, ки бо нашри аввалин шумораи рӯзномаи тоҷикии «Бухорои шариф» иртибот дорад, натанҳо барои аҳли эҷоду сухан, балки барои кулли мардуми шарифи Тоҷикистон рӯзи муборак ва мояи ифтихору сарбаландӣ мебошад. Зеро рӯзномаи “Бухорои шариф”, ки нахустин шуморааш соли 1912 интишор ёфтааст, бешубҳа, заминаи устувореро барои рушди минбаъдаи матбуоти тоҷик гузоштааст.


Матлубахон Амонзода аз ҳамкории судманди кумиҷроияи вилоятӣ бо ВАО изҳори қаноатмандӣ намуда, таъкид кард, ки чорабиниҳои ҳизбӣ тавассути онҳо мунтазам инъикос мегарданд. “Барнома, ҳадафу ғояҳои ҲХДТ тавассути ВАО пайваста инъикос ва тарғиб мегарданд, ки шоёни таҳсин аст. КИ ҲХДТ дар вилояти Суғд минбаъд низ ҳамкории эътимодбахшро бо ВАО тақвият мебахшад. Зеро ин воситаи муҳими ҳадафрас татбиқ шудани ҳадафҳои ҳизб аст, ки ба таъмини зиндагии халқ нигаронида шудааст”.

Барои ҳамкории пайваста, инъикоси чорабиниҳои сиёсиву фарҳангӣ, саҳми арзанда дар татбиқ, тарғиби барномаву ҳадафҳои ҲХДТ ва ба муносибати Рӯзи матбуоти тоҷик зиёда аз 20 нафар рӯзноманигорон бо сипоснома ва тӯҳфаҳои КИ ҲХДТ дар вилояти Суғд қадр карда шуданд