Шарҳу тавзеҳи Паём

Панҷ. Дар асоси нақшаи чорабиниҳои Кумитаи иҷроияи ҲХДТ дар ноҳияи Панҷ корҳои таблиғотӣ ва иттилоотӣ ҷиҳати шарҳу тавзеҳи Паёми навбатии Асосгузори сулҳу ваҳдати миллӣ- Пешвои миллат, муҳтарам Эмомалӣ Раҳмон бо сокинони ноҳия суҳбату вохўриҳо баргузор гашта истодааст.
Ин навбат мудири шуъбаи таблиғот, иттилоот ва матбуоти КИН Шомаҳмадзода Музаффар, мутахассиси ҳамин шуъба Холов Диловар ва мудири бахши занони КИН Атавуллоева Зебунисо бо сокинон ва фаъолони ҷамоати деҳоти «Нури Ваҳдат» вобаста ба татбиқи самтҳои асосии Паёми Сарвари давлат вохўрӣ гузарониданд.
Бояд тазакур дод, ки Паём волоҳуҷҷати сарнавиштсози мардуми тоҷик барои як соли оянда буда, он тамоми самтҳои сиёсати дохилӣ ва хориҷииТоҷикистонро муайян мекунад.
Инчунин, самтҳои асосии фаъолияти Кумитаи иҷроияи ҲХДТ дар ноҳияи Панҷ, аз ҷумла тарбияи дурусти ҷавонон ва ҷалби онҳо ба хизмати ҳарбӣ, пешгирӣ аз бегонапарастию майл ба фарҳанги ғайр ва оқибатҳои манфии он ба ҳувияти миллӣ, тарғиби риояи қонунҳои миллӣ ва амсоли инҳо дар меҳвари вохўрӣ қарор доштанд.
Дар охир, фаъолони ҷамоат ба сухан баромад, ҳамовозии амиқи хешро нисбат ба сиёсати пешгирифтаи Ҳукумати мамлакат ва Сарвари давлат изҳор намуданд.