Таҷлили Соли нави мелодии 2018 дар ноҳияи Панҷ

Панҷ. Соли 2017, ки сипари гашт барои мардуми шарафманди ноҳияи Панҷ соли хотирмон буд. Боиси ифтихор аст, ки дар ин сол Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами ҳизб муҳтарам Эмомалӣ Раҳмон бо мақсади шиносоӣ бо ҷараёни корҳои бунёдкорию созандагӣ, ифтитоҳи як қатор иншооти тайиноти гуногун, оғози корҳои сохтмонӣ ва мулоқот бо сокинону фаъолон ба ноҳияи Панҷ ташриф оварданд.
Ҳамчунин, дар соли сипаришуда баргузории маъракаҳои сиёсию фарҳангӣ, аз ҷумла ҷашнҳои таърихии «20-солагии Ваҳдати миллӣ», 10-солагии қабули Қонун «Дар бораи танзими анъана ва ҷашну маросимҳо дар Ҷумҳурии Тоҷикистон», 26-солагии Истиқлолияти давлатии Ҷумҳурии Тоҷикистон, 25- солагии Иҷлосияи Шӯрои Олии Ҷумҳурии Тоҷикистон бори дигар болоравии маърифати сиёсиву масъулияти шаҳрвандии мардуми ноҳияро нишон доданд.
Ба хотири хотирмон ҷамъбаст намудани соли сипаришуда ва бо орзую ниятҳои неки ватанесозӣ истиқбол намудани соли нави мелдодӣ санаи 31 декабр дар маркази ноҳияи Панҷ таҷлили соли нави 2018 ботантана ҷашн гирифта шуд.
Сараввал чорабиниро раиси ноҳия, узви раёсати КИН Сайфуддинзода М.К. ҳусни ифттитоҳ бахшида, ҳамагонро бо фарорасии соли нави мелодии 2018 табрику муборакбод намуд.
Ҳамзамон, баҳри иҷрои дастуру супоришҳои Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон бо мақсади дастгири табақаҳои ниёзманди аҳолӣ дар арафаи соли нави мелодӣ ба якчанд нафар шахсони яккаву танҳо ва кӯдакони ятиму бепарастори ноҳия аз тарафи мақомоти иҷроия ва ташкилоти ибтидоии “Маорифчиён” тӯҳфаҳои солинавӣ тақдим карда шуд.
Аз ҷумла, ба 14 нафар ятимони кулл ба маблағӣ 3200 сомонӣ тӯҳфаҳои солинавӣ супорида шуданд.
Дар ин чорабинии соли нави мелодӣ дастпараварони боғчаҳои бачагона, хонандагони муассисаҳои таълимӣ ва ҳунармандони бахши фарҳанг бо барномаҳои консертӣ баромад намуданд.
Дар итмом дар соли нави мелодии 2018 ба ҳар як тоҷику тоҷикистонӣ саломативу сарбаландӣ, иқболи нек, хонаи обод, сулҳу суббот, дар рушди сайёҳӣ ва ҳунарҳои мардумӣ комёбиҳои назаррасро таманно карда шуд.
КИ ҲХДТ дар ноҳияи Панҷ.