Маҷлиси машваратӣ

Машварати назди раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд баргузор гардид, ки дар он масъулини Кумитаи иҷроияи шаҳрӣ, муовинони ректорони Донишгоҳҳои олии шаҳри Хуҷанд ва ҷавонони фаъол ширкат варзиданд.

Раиси кумиҷроия Наим Маликисломов ҷиҳати дар сатҳи баланд баргузор намудани Рӯзи Конститутсия (Сарқонун) ва Рӯзи Парчами давлатӣ дар Ҷумҳурии Тоҷикистон ба иштирокчиёни машварат якчанд дастуру супоришҳо дод. Таъкид намуд, ки Сарқонун ва Парчам – ин муқаддасоти халқи мост.

Конститутсия – Бахтномаи миллат буда, ба рушди иҷтимоии кишвар афзалияти аввалиндараҷа медиҳад. Ин санади тақдирсоз барои мардуми шарифи Тоҷикистон новобаста аз эътиқоди сиёсӣ, динию мазҳабӣ ва қавмию наҷодӣ ҳуқуқҳои меҳнату истироҳат ва таҳсилу ифодаи озодонаи афкорро таъмин менамояд, ки дар ниҳоят омили тинҷию оромӣ, ваҳдату якпорчагӣ ва бунёдкорию созандагӣ мегардад. Ҳар як шахси Ватандор, ҳар кадоме аз мо - аъзоёни ҳизб масъул ҳастем, ки дар ободию шукуфоии Ватани ҷоноҷонамон саҳми муносиби худро мегузорем.
©Кумитаи иҷроияи ХХДТ дар в.Суғд