Хизмат ба Ватан қарзи ҷавонмардист!27-09-2017, 13:50
Хабарро хонданд: 324 нафар
Назарҳо: 0
 ХУРОСОН. Кумитаи иҷроияи ҲХДТ дар ноҳияи Хуросон дар якҷоягӣ бо ташкилотҳои ибтидоӣ, комиссияҳои кор бо ҷавонону занон ва ТҶҶ «Созандагони Ватан» таҳти шиори “Хизмат ба Ватан қарзи ҷавонмардист” вохӯриҳоро бо ҷавонони синни даъвати ҳарбӣ, падарону модарон ва фаъолони ҳудуди ҷамоатҳои шаҳраку деҳоти ноҳия оид ба масъалаи даъват ба сафи Қувваҳои мусаллаҳи Ҷумҳурии Тоҷикистон баргузор намуда истодааст. Тибқи нақша аз ноҳияи Хуросон 114-нафар ҷавонон бояд ба сафи Қувваҳои мусаллаҳи Ҷумҳурии Тоҷикистон дар ин даъвати тирамоҳӣ сафарбар карда шаванд. Раванди муроҷиатҳои ҷавонон ба комисариати ҳарбии ноҳия нишон дод, ки сафи ҷавонони ихтиёрӣ барои хизмати Модар–ватан сол аз сол зиёд гардида истодааст. Вохӯриву сӯҳбатҳо бо ҷавонони синни даъватӣ ва падару модарон аз тарафи фаъолони ноҳия, гуруҳи вакилӣ дар Маҷлиси вакилони халқи ноҳияи Хуросон дар ҳудуди ҷамоатҳои шаҳраку деҳоти ноҳия хуб ба роҳ монда шудааст. Натиҷаи чунин тарғибот аст, ки аллакай санаи 2-юми октябри соли равон гусели наваскарон ба сафи Артиш ба нақша гирифта шудааст. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
