«Ваҳдати оила»

мақсади амалӣ намудани дастуру супоришҳои раиси кумитаи иҷроияи ҲХДТ дар вилояти Суғд Сарфароз Фаттоҳзода дар кумитаи иҷроияи ҲХДТ дар шаҳриПанҷакент гурӯҳи сайёрии «Ваҳдати оила» ташкил карда шуд. Маҷлиси тадорукоти гурӯҳро раиси кумитаи иҷроя М. Шукурзода оғоз бахшида иброз дошт, ки мақсади таъсиси гурӯҳи мазкур корбарӣ дар байни аҳолӣ оиди ба танзим даровардани масъалаҳои пешгирии хушунат дар оила, пешгирии никоҳи хешутаборӣ, тарғиби тарзи ҳаёти солим, пешгирии ҷудошавии оилаҳои ҷавон, омӯзиши таҷрибаи оилаҳои намунавӣ, баробарҳуқуқии марду зан дар оила, масуъулияти падару модар дар таълиму тарбияи фарзанд, танзими анъана ва ҷашну маросимҳои миллӣ, одоби муошират ва либоспӯшии миллӣ, рушди ҳунарҳои халқӣ, ҷалби занон ба корҳои ҳунармандӣ, пешгирии шомилшавии ҷавонон ба ҳизбу ҳаракатҳои ифротгаро ва дигар масъалаҳои марбут ба ҳаёти ҷавонон ва бонувон мебошад. Дар маҷлис бо тавсияи раиси кумиҷроия муовини раиси кумиҷроия Тошева Парвина, раиси Шӯрои собиқадорони ҳизб Холова Ҳамида, ҳуқуқшинос Исоева Дилфуза, равоншинос Бобобекова Нозира, рӯзноманигор, Худойбердиева Гулбаҳор, омӯзгори мтму №1- и шаҳр Ҳотамова Умеда, корманди кумиҷроияи шаҳрӣ Замонова Ҳамзира ва ходими дин Ғафоров Маҳмадамин ба гурӯҳ шомил гардиданд . Дар кумиҷроия телефони боварӣ ташкил карда шуд. Ҳайати гурӯҳ тасмим гирифтанд, ки дар як моҳ ду маротиба ба маҳалҳо ва дурдасттарин деҳаҳо рафта дар байни аҳолӣ корҳои фаҳмондадиҳӣ ва тарғиботӣ мегузаронанд.