Вохӯрӣ бо ҷавонон

Тибқи нақшаи таҳиянамудаи ташкилоти ибтидоии «Фарҳанг» дар моҳи октябри соли ҷорӣ баҳри риояи қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросимҳо», «Дар бораи озодии виҷдон ва иттиҳодияҳои динӣ», пешгирии шомилшавии ҷавонон ба ҳизбу ҳаракатҳои ифротгаро, иштирок дар муноқишаҳои дигар давлатҳо, пӯшидани сару либоси бегона, пошхӯрии оилаҳои ҷавон бо сокинони аҳолии Лангар, алалхусус ҷавонону занон, аъзоёни ҶҶ «Созандагони Ватан», намояндагии «Гуруҳи ҷаванони ташаббускор» вохӯрии гурӯҳи кории ситодҳои таблиғотии доиамалкунандаи Кумитаи иҷроияи ҳизби шаҳрӣ баргузор гардид.
Дар вохӯрӣ мудирони шуъбаҳои Кумитаи иҷроияи ҳизби шаҳрӣ, бахшҳои рушди иҷтимоӣ ва робита бо ҷомеаи дастгоҳи раиси шаҳр, шуъбаи маориф, бахшҳои кор бо занон ва оила, ҷавонон, варзиш ва сайёҳӣ, оид ба корҳои дин, танзими анъана ва ҷашну маросимҳои миллӣ, фарҳанг, сабти асноди ҳолати шаҳрвандӣ, имомхатиб, инчунин сардори шуъбаи амният дар шаҳр иштирок ва суханронӣ карданд.
Зимни баромадҳо масъулон роҷеъ ба таълиму тарбияи фарзандон, омода намудани ҷавонон ба ҳаёти мустақилона, пӯшидани сару либоси бегона, пешгирии шомилшавии ҷавонон ва ҳар гуна ҳизбу ҳаракатҳои ифротгаро ибрози сухан карданд.
Дар фарҷоми чорабинӣ аз ҷониби ҳунармандони ташкилоти ибтидоии «Фарҳанг» ба ҳозирон саҳначаҳои тарбиявӣ ва барномаи фарҳангӣ намоиш дода шуд. Оиди масъалаҳои дар боло дарҷгардида гуруҳи корӣ вохӯриро дар маҳаллаҳо бо ҷавонон ба роҳ мондаанд.
Мудири шуъбаи таблиғотӣ
иттилоотӣ ва матбуотӣ С. Зоиров