Чор хонандаи тоҷик дар Олимпиадаи байналмилалӣ дар Ҳиндустон соҳиби медали тилло шуданд!31-05-2017, 08:14
Хабарро хонданд: 296 нафар
Назарҳо: 0
 /АМИТ «Ховар»/. Чор нафар толибилмони тоҷик дар Олимпиадаи 6-уми байналмилалӣ байни мактаббачагон аз фанҳои математика, физика, химия ва биология ҷойҳои аввалро ишғол намуда, соҳиби медалҳои тилло шуданд. Тавре аз Сафорати Ҷумҳурии Тоҷикистон дар Ҷумҳурии Ҳиндустон хабар доданд, аз 21 то 27 майи соли равон дар Донишгоҳи Амитии шаҳри Ноидаи Ҳиндустон Олимпиадаи 6-уми байналмилалӣ байни мактаббачагон аз фанҳои математика, физика, химия ва биология баргузор гардид. Дар Олимпиада толибилмони зиёда аз 10 кишвар, аз ҷумла Афғонистон, Озарбойҷон, Бангладеш, Туркия, Туркманистон, Қазоқистон, Непал, Молдова, Руминия ва Лаос иштирок доштанд. Ҷумҳурии Тоҷикистон бори аввал дар ин олимпиадаи байналмилалӣ иштирок кард. Аз Тоҷикистон хонандаи Литсейи рақами 1 шаҳри Душанбе Рустам Абдувоҳидов ва 3 нафар аз Мактаби таҳсилоти миёнаи умумӣ ба номи «Ҳотам П.В.» Вазир Пиров, Умед Икромов ва Амир Ҷураев аз фанни математика иштирок намуда, ҳар чор иштироккунандагон чойҳои аввалро ишғол карда, соҳиби медалҳои тилло шуданд. Дар маросими бошукӯҳи пӯшидашавии олимпиада, ки 27 май баргузор гардид, Сафири Ҷумҳурии Тоҷикистон дар Ҷумҳурии Ҳиндустон Мирзошариф Ҷалолов ба ҳайси меҳмони фахрӣ иштирок карда, сухан гуфт. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
