DataLife Engine > Дар мади назар > Тақдиронии 60 ҷавони фаъол бо стипендия ва туҳфаҳои хотиравӣ

Тақдиронии 60 ҷавони фаъол бо стипендия ва туҳфаҳои хотиравӣ


30-05-2017, 10:43. Разместил: orifi
Тақдиронии 60 ҷавони фаъол бо стипендия ва туҳфаҳои хотиравӣ

БӮСТОН. Дирӯз дар мақомоти иҷроияи ҳокимияти давлатии шаҳри Бӯстон мулоқоти Раиси шаҳр Рухсора Давлатзода бо ҷавонони касбу кори гуногун баргузлр гардид. Нахуст Раиси шаҳр аз дастгириҳои пайвастаи давлату Ҳукумат ва пуштибониҳои пайвастаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти дастгирии ҷавонони созанда ва татбиқи иқдомҳои наҷиби онҳо дар пешрафти ҷомеа ибрози назар намуд. Баъдан дар фазои тантанавӣ ба 22 нафар фаъолҷавонон аз донишҷӯёни Донишкадаи куҳӣ-металлургии Тоҷикистон, коллеҷи тарбияи ҷисмонӣ, мактаби Президентӣ ва муассисаҳои таълимӣ стипендияи Раиси шаҳр тақдим гардида, ҳамчун нахустин иқдом бо мақсади оммавияти варзиш ва дастгирии варзишгарони беҳтарин ба 10 нафар варзишгарон-ғолибони мусобиқаҳои сатҳи байналмилалӣ ва ҷумҳуриявӣ стипендияи Раиси шаҳр барои варзишгарон тақдим гардид.
Дар фазои тантанавӣ ба 4 нафар устодони ҷавони Донишкадаи кӯҳӣ-металлургии Тоҷикистон, 11 нафар хонандагони муассисаҳои таълимӣ, 7 нафар ҷавонон аз риштаи санъат, ки ҳамагӣ ғолибони озмунҳои гуногунсатҳ мебошанд сипоснома ва туҳфаҳои хотиравӣ тақдим карда шуд. Ҳамзамон ба 8 нафар фаъолҷавонони Донишкадаи кӯҳӣ-металлургии Тоҷикистон, ки аз 15 то 19 май дар ҳафтаи иштироки донишҷӯён дар мақомоти иҷроияи ҳокимияти давлатии шаҳр фаъолона ширкат намуданд гувоҳномаҳо тақдим гардид. Ёдовар мешавем, ки маблағи стипендияи Раиси шаҳр аз 60 сомонии соли 2016 ба 80 сомонӣ дар соли 2017 дар як моҳ муқаррар гардида, маблағи стипендия барои варзишгарон бошад барои як сол 200 сомониро ташкил медиҳад.

Вернуться назад