DataLife Engine > Тандурусти > Ҷумҳурии Тоҷикистон аъзои Кумитаи доимоамалкунандаи Кумитаи минтақавии аврупоии ТУТ

Ҷумҳурии Тоҷикистон аъзои Кумитаи доимоамалкунандаи Кумитаи минтақавии аврупоии ТУТ


12-10-2015, 13:00. Разместил: admin
Ҷумҳурии Тоҷикистон аъзои Кумитаи доимоамалкунандаи Кумитаи минтақавии аврупоии ТУТ

Тавре директори Бюрои минтақавии аврупоии Ташкилоти умумиҷаҳонии тандурустӣ (ТУТ) хонум Жужанна Якаб хабар дод, Ҷумҳурии Тоҷикистон интихобан ба ҳайси аъзои Кумитаи доимоамалкунандаи Кумитаи минтақавии аврупоӣ ба мӯхлати аз 17 сентябри соли 2015 то 17 сентябри соли 2018 ворид гардидааст.
Бояд қайд намуд, ки дар ҷаласаи 65-уми Кумитаи минтақавии аврупоӣ, ки дар ш. Вилнюси Литва рӯзҳои 14-17 сентябри соли 2015 баргузор гардид аз байни 53 кишвари аъзо 4 давлат, аз ҷумла Гурҷистон, Исландия, Италия ва Ҷумҳурии Тоҷикистон тавассути овоздиҳии пинҳонӣ интихоб шуданд.
Барои шомил намудан ба ҳайати кумитаи доимоамалкунанда аз ҷониби Вазорати тандурустӣ ва ҳифзи иҷтимоии аҳолӣ номзадии Юсуфӣ С.Ҷ., сардори Раёсати таҳсилоти тиббию фарматсевтӣ, сиёсати кадрҳо ва илм пешниҳод гардида, аз тарафи Кумитаи минтақавии арупоӣ тасдиқ шудааст.
Дар баробари ин, тибқи низоми ягонаи Кумитаи минтақавии аврупоии Ташкилоти умумиҷаҳониии тандурустӣ 4 нафар шахсони таъингардида бояд дар ҷаласаҳои Кумитаи доимоамалкунандаи Кумитаи зикргардида ҳатман иштирок намоянд.
Интихоби Ҷумҳурии Тоҷикистон ба ин ҳайат бори дигар аз мавқеи мустаҳкам доштани кишвари мо дар арсаи байналмилалӣ ва эътироф гардидани он аз ҷониби ташкилотҳои бонуфузи умумиҷаҳонӣ дарак медиҳад.
©health.tj
Вернуться назад