КИ ҲХДТ дар шаҳри Роғун дар шаш моҳи соли 2016

Дар толори МИМҲД-и шаҳри Роғун, ҳисоботи шашмоҳаи аввали соли 2016-и Кумитаи иҷроияи ҲХДТ дар шаҳри Роғун бо иштироки Ҳабибзода Зоҳир Иззат, мудири шӯъбаи умумии Дастгоҳи Кумитаи иҷроияи маркази Ҳизби Халқии Демократии Тоҷикистон, раисон ва аъзоёни ташкилоҳои ибтидоӣ ва ҷонибдорони ҲХДТ баргузор гардид. Дар ин ҳамоиши ҳисоботӣ зиёда аз 159 нафар ширкат доштанд.

Ҳамчунин зимни ҳисобтдиҳии худ Искандаров Н., мудири шуъбаи ТИМ Кумитаи иҷроияи ҲХДТ дар шаҳри Роғун маълум намуд, ки теъдоди аъзоёнро ба 2976 нафар расонидаанд, ки аз ин теъдод 685 нафар занон, 1004 нафар ҷавонон, ки 930 нафари онҳо дорои маълумоти олӣ, 247 нафар маълумоти олии нопурра, 881 нафар бо маълумоти миёнаи махсус ва 918 нафарашон бо маълумоти миёна мебошанд.Дар маҷмӯъ, аз тарафи иштирокчиён фаъолияти шашмоҳаи КИ ҲХДТ дар шаҳри Роғун қаноатбахш арзёбӣ гардида, тавсияҳои зерин, барои рушди КИ дар минтақа дода шуд.

1. Теъдоди аъзоёни соҳибмаълумот ва соҳибкасб зиёд карда шавад.
2. Ба зерсохторҳои КИ ҲХДТ дар шаҳри Роғун бештар гардонидани соатҳои сиёсӣ.
3. Бештаргардонии ҷорабиниҳои фарҳангӣ-омӯзишӣ ба сохтмончиёни НОБ-и Роғун. Дар фарҷом, ба 9 нафар фаъолони ташкилотҳои ибтидоӣ туҳфаҳо ва сипосномаҳои КИ ҲХДТ дар шаҳри Роғун барои натиҷаҳои назаррас дар шашмоҳи аввали соли 2016 тақдим карда шуд.