Аёдати занону модарон

Гуруҳи кории Кумитаи иҷроияи Ҳизби Халқии Демократии Тоҷикистон дар ноҳияи Бохтар бахшида ба 25 –умин солгарди Истиқлолияти давлатии Ҷумҳурии Тоҷикистон дар беморхонаи марказии ноҳия аз шароит ва хизматрасонии табибон аз шуъбаи таваллудхона дидан намуда, бо занони навтаваллудкарда суҳбат гузарониданд.

Зимни вохӯрӣ ба модарон таъкид карда шуд, ки пеш аз ҳама ба фарзандонашон номи нек гузошта, онҳоро бо меҳру муҳаббати самимӣ тарбия намоянд, яъне созандагони ояндаи неки давлат ва ҷомеаро ба воя расонанд.

Дар охири вохӯрӣ ба 30 нафар кӯдакони навзод аз тарафи Кумитаи иҷроияи Ҳизби Халқии Демократии Тоҷикистон дар ноҳияи Бохтар туҳфаҳо тақдим карда шуд.