Норак шаҳри туристӣ

Дар даромадгоҳи НБО-и Норак меҳмонони олиқадр, Котиби Генералии Созмони умумиҷаҳонии туристӣ Толиб Рафоиро узви Кумитаи иҷроияи ҲХДТ, раиси шаҳри Норак Ҳурматзода Фатҳулло Зариф, муовини якуми раиси шаҳр Асоев Дилшод Алимуродович ва шахсони расмӣ пешвоз гирифтанд.

Аъзоёни ТҶҶ «Созандагони Ватан» меҳмонони гиромиро бо гулу гулдастаҳо, қироъати шеърҳо дар васфи Ватан-Модар, Сулҳу Ваҳдат ва Дӯстӣ истиқбол намуданд.

Сипас, меҳмонон аз НБО-и Норак ва сарбанди нерӯгоҳ дидан намуда, дар фароғатгоҳи нерӯгоҳ ҳунармандони шаҳр хотири меҳмононро бо шеъру суруд ва рақсҳои мавзун болида гардониданд.

Инчунин меҳмонон аз осоишгоҳи «Пули Сангин» дидан намуданд ва дар варзишгоҳи осоишгоҳ аз тарафи ташкилоти ибтидоии ҳизбии «Варзиш»-и бахши ҷавонон, варзиш ва сайёҳии шаҳр бозиҳои футбол, волейбол, баскетбол, тениси рӯи мизӣ, қайиқронӣ, гидросиклҳоро намоиш доданд.

Шаҳри Норак ва мавзеъҳои дидании он, ҳамчун минтақаи сайёҳӣ, ба Котиби Генералии Созмони умумиҷаҳонии туристӣ, аз худ таассуроти нек боқӣ гузошт.