Аёдати собиқадори ҲХДТ

Дирӯз, аёдати аъзои фаъол ва собиқадори ҳизб, бахшида ба моҳи шарифи Рамазон ба роҳ монда шуд. Барои аёдат ва табрики Мирзораҳимова Н.Н, ки намунаи ибрат барои дигарон аст, раиси КИ ҲХДТ Қосимова К.М, аъзои раёсати КИ Одизода Рустам ва мудири шӯъбаи занон ва ҷавонон Бадалова С.Р рафтанд.

Мирзораҳимова Норпошо ба синну соли худ нигоҳ накарда, яке аз ташкилкунандагони фаъоли корҳои ҷамъиятӣ ва иду ҷашнҳои давлатӣ дар маҳаллаи худ ба шумор меравад. Дар ҳамаи чорабиниҳои шаҳрӣ иштирок мекунад ва дар гузаронидани онҳо саҳми назаррас дорад. Ба ӯҳдаи худ нозирии хонаҳои баландошёнаи маҳаллаи “Дӯстии халқҳо”-ро дорад, хурду бузурги маҳалла эҳтиром менамоянд ва ӯро дар ҳама ҷода дастгирӣ мекунанд. Бо вакили маҷлиси вакилони халқи шаҳр аз ҳавзаи интихоботии №5 Абдуллоев А.П, ки биноҳои баландошёнаи ин маҳалла ба ҳудуди ин ҳавзаи интихоботӣ тобеият дорад, ҳамкориро зич ба роҳ мондааст.