Ҷавонон пайрави пешвои миллат

Дар асоси Нақша - чорабиниҳои Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур бахшида ба Рӯзи ҷавонони Тоҷикистон 23-май намояндагии ТҶҶ "Созандагони Ватан" дар ноҳияи Шоҳмансур дар якҷоягӣ бо шуъбаи кор бо занон ва ҷавонони Кумитаи иҷроияи Ҳизби Халқии Демократии Тоҷикистон дар ноҳия аз санаи 18-ум то 23-юми майи соли ҷорӣ бо мақсади тақвият бахшидан ба раванди тарбияи ватандӯстии ҷавонон, пешгирии онҳо аз андешаҳои носолими иртиҷоӣ ва дар амал татбиқ намудани сиёсати давлатии ҷавонон дар ҳошияи сиёсати хирадмандонаи Сарвари давлат миёни ҷавонон, мусобиқаи варзишӣ аз рӯи намуди «Футболи хурд»-ро таҳти унвони «Ҷавонон пайрави Пешвои миллат» миёни ҷавонони шаҳраку маҳаллаҳо ва донишҷӯёни донишгоҳу колеҷҳои ҳудуди ноҳияи Шоҳмансур баргузор намуд.

Мусобиқаи мазкур дар се давр баргузор гардида дар он 14-даста иштирок доштанд. Даври финалии мусобиқаи мазкур дар майдончаи варзишии Шаҳраки донишҷӯёни Донишгоҳи миллии Тоҷикистон доир гашта дастаи футболбозони маҳаллаи Бустон 1 сазовори ҷои 1-ум, дастаи футболбозони Колеҷи техникии ДТТ ба номи академик М.С.Осимӣ сазовори ҷои 2-юм ва дастаи футболбозони маҳаллаи Дустии халқҳо сазовори ҷои 3-юм гаштанд.Дар ҷамбасти мусоба ғолибон бо Кубоку медал ва таҳфаҳои хотиравии таъсиснамудаи Кумитаи иҷроияи ҲХДТ дар ноҳияи Шоҳмансур қадрдони карда шуданд.