Дар Душанбе Фестивали фарҳангии Тоҷикистону Корея-2026 баргузор мешавадВчера, 08:43
Хабарро хонданд: 29 нафар
Назарҳо: 0
 17-18 июни соли 2026 дар шаҳри Душанбе Фестивали бошукуҳи фарҳангии Тоҷикистону Корея-2026 баргузор мегардад.Фестивали фарҳангии Тоҷикистону Корея-2026 бо мақсади таҳкими ҳамкории фарҳангии дуҷониба, бештар шинос шудан бо фарҳангу санъати якдигар ва таҷриба гирифтан аз навгониҳо дар соҳаи фарҳанг доир мегардад. Дар фестивал тамошобини тоҷик имконият пайдо мекунад, ки дар муҳити воқеӣ бо фарҳангу анъанаҳои Корея шинос гардад. Хотиррасон мешавем, ки муносибатҳои дипломатӣ байни Ҷумҳурии Тоҷикистон ва Ҷумҳурии Корея 27 апрели соли 1992 барқарор гардидаанд. Маҳз натиҷаи сиёсати дурандешона ва некбинонаи роҳбарияти олии ҳарду давлат буд, ки мардумони ду мамлакат якдигарро ба ҳайси дӯсти боэътимод ва шарики нек дарёфта, дар тамоми соҳаҳои ҳаётан муҳим, хосса соҳаи фарҳанг ва илму маориф муносибатҳои мутақобили судмандро ба роҳ мондаанд. Ҳамзамон дар роҳи ноил гаштан ба ҳадафҳои гузошта қадамҳои устувор мениҳанд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
