НАҚШИ ПЕШВОИ МИЛЛАТ ДАР БУНЁДИ ДАВЛАТИ МИЛЛӢ ВА ТАҲКИМИ СОХТИ КОНСТИТУТСИОНӢ

Дар доираи сафари ҳайати Ҳизби Халқии Демократии Тоҷикистон ба Ҷумҳурии Мардумии Чин бо роҳбарии Муовини якуми Раиси ҳизб Абдуҷаббор Азизӣ вохӯрии навбатӣ бо муовини мудири шуъбаи байналмилалии Ҳизби коммунистии Чин ва намояндаи нашрияи расмии Ҳизби коммунистии Чин “Женмин Жибао” доир гардид.
Абдуҷаббор Азизӣ зимни суҳбат зикр намуд, ки дар ҷаҳони имрӯза нақши ҳизбҳои сиёсӣ дар масъалаи муносибатҳои байналмилалӣ калидӣ буда, метавонад натиҷаҳои самарабахш ба бор орад.
Мавсуф дар идома қайд намуд, ки дар давоми солҳои ҳамкорӣ муносибатҳои байни мамлакатҳои мо марҳила ба марҳила мустаҳкам шуда, ба зинаи нави ташаккул баромад.
Мантиқист, ки имрӯз онҳо дар қолаби шарикии ҳамаҷонибаи стратегӣ дар фазои ҳамдигарфаҳмии комил, эҳтирому эътимод ба ҳамдигар бомуваффақият инкишоф меёбанд.
Таъкид гардид, ки барои густариши умумияти ғоявӣ, манфиатҳо ва неруи равобити байниҳизбӣ дар шакли нав барои бунёди модели нави муносибатҳои байналмилалӣ ва тавсеаи шарикии ҷаҳонӣ тавассути таҳкими шарикӣ бо ҳизбҳои сиёсии ҷаҳон истифода шавад.
Ҳизби Халқии Демократии Тоҷикистон, ҳамчун пуриқтидортарин ҳизби кишвар, ҳамеша ҷонибдори таҳкими равобит, тавсеаи ҳамкориҳои мутақобилан судманд байни ҳизбҳои сиёсии кишварҳои дунё мебошад, ки ҳадафҳои судманду созандаро ба манфиати мардум анҷом медиҳанд, ва оянда низ дар мавқеъ устувор хоҳад монд.


Дар идомаи сафари корӣ ба Ҷумҳурии Мардумии Чин рӯзи 7-уми ноябри соли ҷорӣ Муовини якуми раиси Ҳизби Халқии Демократии Тоҷикистон Абдуҷаббор Азизӣ ва роҳбари шуъбаи муносибатҳои байналмилалии Ҳизби коммунистии Чин Лю Сзянчао масоили муҳими ҳамкориҳои байниҳизбиро баррасӣ намуданд.
Сараввал, Лю Сзянчао ба Абдуҷаббор Азизӣ ва ҳайати Ҳизби Халқии Демократии Тоҷикистон барои ташриф ба Ҷумҳурии Мардумии Чин миннатдорӣ изҳор намуда, ибрози боварӣ кард, ки чунин сафарҳои муфид барои мубодилаи таҷриба ва рушди ҳамкориҳо таъсири мусбат мерасонанд.
Таъкид гардид, ки маҳз тавассути сиёсати оқилонаи роҳбарони ду давлати дӯсту ҳамсоя ҳамкориҳои мутақобилан судманд густариш ёфта, марҳилаи нави дӯстиву бародариро касб кардаанд.
Тоҷикистону Чин дар доираи созмонҳои байналмилалӣ низ ҳамеша барои рушди равобит ва таҳкими амнияти суботи минтақа мавқеи мушаххас доранд ва ташаббусҳои созандаи ҳамдигарро дастгирӣ мекунанд.
Ҳамкориҳои Ҳизби коммунистии Чин ва Ҳизби Халқии Демократии Тоҷикистон низ маҳз бо ташаббус ва роҳнамоиҳои Раиси муаззами Ҳизби Халқии Демократии Тоҷикистон, Президенти Ҷумҳурии Тоҷикистон муҳтарам Эмомалӣ Раҳмон ва Котиби генералии Ҳизби коммунистии Чин, Президенти Ҷумҳурии Мардумии Чин муҳтарам Си Ҷин Пин дар сатҳи шоиста қарор дошта, барои таҳкими муносибатҳои дӯстона саҳми назаррас мегузорад.
Муовини якуми Раиси Ҳизби Халқии Демократии Тоҷикистон Абдуҷаббор Азизӣ бо ибрози қаноатмандӣ аз ҳамкориҳои бисёрсолаву самарабахш бо Ҳизби коммунистии Чин гуфт, ки таҳкими чунин муносиботи самимии ҳизбҳои сиёсӣ ба манфиати рушди ҷомеа ва равобити неку созанда аст.
Дар идомаи суҳбати самимӣ ҷонибҳо барои тавсеаи ҳамкорӣ байни Ташкилоти ҷамъиятии ҷавонон "Созандагони Ватан" ва Иттиҳоди умумичинии ҷавонон, Иттиҳоди коммунистони ҷавон, нашрияи марказии ҲХДТ - "Минбари халқ" ва нашрияи асосии Ҳизби коммунистии Чин - "Женмин Жибао" ва дигар самтҳои муҳимтарини фаъолияти корӣ мубодилаи афкор намуданд.
Дар идомаи суҳбат Абдуҷаббор Азизӣ аз Ли Сзянча ва ҳайати Ҳизби коммунистии Чин барои сафари корӣ ба Ҷумҳурии Тоҷикистон даъват кард.


Рӯзҳои 6-8-уми ноябри 2023 дар шаҳри Ҷиддаи Подшоҳии Арабистони Саудӣ бо ташаббуси Вазорати корҳои хориҷии Арабистони Саудӣ ва Созмони Ҳамкории Исломӣ конфронси байналмилалии сатҳи баланд доир ба мақом ва тавондмандсозии бонувон баргузор гардид.
Ҷумҳурии Тоҷикистонро дар конфронси байналмилалӣ муовини Раиси Ҳизби Халқии Демократии Тоҷикистон Хайринисо Юсуфӣ намояндагӣ намуд.
Дар ин ҳамоиш, ба ҷуз аз уламои исломӣ ва ҳайатҳои расмии кишварҳои узви Созмони Ҳамкории Исломӣ, теъдоди зиёди занони сарони давлатҳо, вазирон ва намояндагони созмонҳои мухталифи байналмилалӣ ва минтақавӣ, пажӯҳишгарон, марказҳои таҳлилӣ ва марказҳои тадқиқотӣ аз саросари ҷаҳон ширкат намуданд.
Дар конфронс мавзуъҳои рӯзмарра, аз ҷумла, “Мақоми зан дар Ислом ва ҳуқуқҳои ӯ”, “Занони мусалмон ва мушкили таълимоти исломӣ ва суннатҳои иҷтимоӣ”, “Занони мусалмон дар халиҷи Форс”, “Занони мусалмон дар ҷомеаҳои муосир ва дурнамои тавонмандсозии занони мусалмон дар таҳсил ва кор” мавриди баррасӣ қарор гирифтанд.
Муовини Раиси Ҳизби Халқии Демократии Тоҷикистон Хайринисо Юсуфӣ дар бораи мақому манзалат ва мавқеи устувори зан дар Тоҷикистон суханронӣ карда, ба аҳамияти тадбирҳо ва ташаббусҳои давлатии Ҳукумати кишвар ҷиҳати таъмини тавонмандсозии бонувон, тақвияти нақши онҳо дар дар ҳаёти сиёсӣ, иҷтимоӣ ва иқтисодии кишвар ва пешбурди бобарори сиёсати мутавозини баробарии гендерӣ ишора намуд.
Хайринисо Юсуфӣ ба иштирокдорони конфронс маълумот дод, ки Тоҷикистон дар сатҳи кишварҳои Осиёи Марказӣ аввалин кишваре мебошад, ки бо нишони эътирофи нақш ва саҳми бузурги бонувон дар рушди ҷомеа Кумитаи кор бо занон ва оилаи назди Ҳукумати Ҷумҳурии Тоҷикистонро таъсис дод. Қайд гардид, ки имрӯз таҳти роҳнамоии бевоситаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023 -2030” ва дигар стратегияҳо ва барномаҳои миллии дахлдор бомуваффақият татбиқ мегарданд.
Дар идомаи суханронӣ Хайринисо Юсуфӣ дар мавриди механизмҳои миллии ҳимояи ҳуқуқи занон, заминаҳои қонунгузорӣ ҷиҳати имкониятҳои баробари мардону занон ва талошҳо ҷиҳати мутобиқсозии санадҳои меъёрии ҳуқуқии ватанӣ ба талаботи меъёрҳои байналмилалӣ дар самти ҳифзи ҳуқуқи занон ва тавонмандсозии онҳо маълумот ироа намуд.
Дар фарҷоми конфронс як санади мукаммал таҳти унвони "Декларатсияи Ҷидда вобаста ба занон дар Ислом" қабул гардид, ки ташаббусҳо ва стратегияҳои калидӣ барои расидан ба ин ҳадафҳоро баён мекунад.



Дар толори Мақомоти иҷроияи ҳокимияти давлатии шаҳри Турсунзода ҳамоиши ҳизбӣ ба ифтихори Рӯзи Конститутсияи Ҷумҳурии Тоҷикистон, Рӯзи Президенти Ҷумҳурии Тоҷикистон, Рӯзи Парчами давлатии Ҷумҳурии Тоҷикистон ва 30-солагии таъсисёбии Ҳизби Халқии Демократии Тоҷикистон баргузор гардид.
Дар ҳамоиш муовини Раиси Ҳизби Халқии Демократии Тоҷикистон Асрор Латифзода, узви Раёсати Кумитаи Иҷроияи Марказии ҲХДТ, раиси шаҳри Турсунзода Парвиз Акрамзода, олими шинохта, коршиноси масоили сиёсӣ-байналмилалӣ, директори Маркази тарғиби адабиёт ва фарҳанги миллии Иттифоқи нависандагони Тоҷикистон Абдуллоҳи Раҳнамо иштирок ва суханронӣ карданд.
Ҳамзамон, дар ҳамоиш кормандони Кумитаи иҷроияи ҲХДТ дар шаҳри Турсунзода, кормандони масъули мақомоти иҷроияи ҳокимияти давлатии шаҳри Турсунзода, раисони ташкилотҳои ибтидоии ҳизбӣ, вакилони Маҷлиси вакилони халқи шаҳри Турсунзода, намояндагони мақомоти маҳаллии ҳифзи ҳуқуқ, низомиён, раисони ҷамоатҳои деҳот ва кумитаҳои маҳалла, кормандони масъули соҳаҳои маориф, тандурустӣ, фарҳанг ва ҳифзи иҷтимоӣ, имом-хатибон, собиқадорони ҳизбу меҳнат ва дигар фаъолони шаҳр ҳузур доштанд.
Муовини Раиси Ҳизби Халқии Демократии Тоҷикистон Асрор Латифзода зимни суханронӣ таъкид доштанд, ки риояи ҳуқуқҳои инсон ва шаҳрванд, зиндагии осудаву ороми ҳар як оила ва амалӣ гардидани нияту орзуи ҳар як шахс фақат дар шароити устувории қонун, таъмин будани амният, сулҳу оромӣ ва суботи сиёсӣ муяссар шуда метавонад.
Аз ин лиҳоз, мо бояд ҳамеша дар фикри ҳимояи сулҳу оромӣ, суботи сиёсиву ваҳдати миллӣ бошем ва зиракии сиёсиро аз даст надиҳем.
Дар ин кор ҳизбиён низ чун қишри пешқадами ҷомеа бояд намунаи ибрат бошанд.
Лозим ба ёдоварист, ки Ҳизби Халқии Демократии Тоҷикистон дар Барномаи худ оид ба самтҳои муҳимтарини рушди мамлакат суботи сиёсӣ ва дастовардҳои замони соҳибистиқлолиро асоси иродаи озоди мардум донистааст ва таҳким бахшидани ғояҳои Истиқлол, озодӣ ва пойдории сулҳу ваҳдати миллиро вазифаи аввалиндараҷаи худ муайян намудааст.
Баромадкунандагон дар мавзуъҳои Ваҳдати миллӣ, қадр, аҳамият ва манзалати сулҳу субот, тарбияи ватандӯстии шаҳрвандон ва вазифаҳои аҳли ҷомеа оид ба бузургдошти дастовардҳои Истиқлоли давлатӣ ибрози андеша намуданд.
Дар идома зикр гардид, ки тамоми афроди ҷомеаи маҳаллии мо – аз хурд то бузург бояд ба қадри аҳамияти ҳаётии сохти конститутсионии давлати нави миллии тоҷикон, истиқлолу озодӣ, сулҳу оромӣ, суботи сиёсӣ ва ваҳдати миллӣ бирасанд.
Зеро, барқарор гардидани сулҳу субот, ҳифзи сохти конститутсионӣ ва расидан ба ваҳдати миллӣ бо шарофати ибтикор ва иродаи бузурги сиёсии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон, муҳтарам Эмомалӣ Раҳмон барои миллати тоҷик дастовард ва рӯйдоди беназири таърихӣ мебошад.
Сулҳу оромӣ ва ваҳдати миллӣ барои мо арзишҳои ҳаётан муҳиме мебошанд, ки ба шарофати онҳо мардум ҳоло ба хотири ободии Ватан, пешрафти ҷомеа, амалӣ намудани ҳадафҳои стратегии миллӣ ва осоиши ҳар як хонадон сарҷамъу аҳлона заҳмат мекашанд.
Зеро, вусъат бахшидани заҳмати созандаву бунёдкорона ба хотири сулҳу субот ва ваҳдати миллӣ, ободии Ватани маҳбуб ва пешрафти давлати соҳибистиқлоламон вазифаи ҷонии ҳар яки мо, пеш аз ҳама ҳизбиён ва ҷонибдорони Ҳизби Халқии Демократии Тоҷикистон мебошад.

Дар доираи ҳамкориҳои судманди ҳизбӣ муовини Раиси Ҳизби Халқии Демократии Тоҷикистон Асрор Латифзода бо гурӯҳи вакилони Ҳизби умумироссиягии “Единая Россия” зери роҳбарии муовини раиси Кумитаи Думаи давлатии Маҷлиси Федеролии Федератсияи Россия оид ба Иттиҳоди Давлатҳои Мустақил, ҳамгироии Авруосиёӣ ва иртибот бо ҳамватанон, узви Шурои генералии ҳизби “Единая Россия” Артём Туров мулоқот намуд.
Дар мулоқот масъалаҳои ҳамкориҳои тарафҳо ва табодули таҷрибаи корӣ, тақвияти фаъолияти ҳизбӣ, вусъат бахшидани корҳои идеологӣ дар минтақаҳо ва таблиғу ташвиқи ғояҳои созандаи ҳизб мавриди баррасӣ қарор дода шудаанд.
Ҳамзамон, таҳияи нақша ва ташкили чорабиниҳои фарҳангиву варзишӣ баҳри таҳкими муносибатҳои дуҷонибаи ҳизбӣ таъкид гардид.
Дар ин радиф ёдоварӣ шуд, ки барои ҳамкориҳои ду кишвар дар соҳаи илм, маориф ва технологияҳои инноватсионӣ дар ҳамбастагӣ бо намояндагии “Россотрудничество” дар Тоҷикистон тадбирҳо роҳандозӣ гардида, забон ва дигар арзишҳои маънавии халқҳои Тоҷикистон ва Россия пайваста ҳифз карда мешаванд.
Муовини Раиси Ҳизби Халқии Демократии Тоҷикистон ҳамзамон, аз рафти корҳои омодагӣ ба ҷашни 30-солагии таъсисёбии Ҳизби Халқии Демократии Тоҷикистон ва ташаббусҳо дар ин самт ибрози андеша намуда, зикр дошт, ки ҲХДТ дар давоми фаъолият баҳри амалӣ намудани ҳадафҳои оинномавӣ ва барномавии ҳизб ва таъмини зиндагии шоистаи мардум ташаббусҳои назаррас нишон додааст.
Дар идома, бо мақсади таҳкими муносибатҳо, дар руҳияи ватандӯстӣ тарбия намудани ҷавонон, байни ташкилотҳои ҷавонони “Созандагони Ватан” ва “Молодая гвардия” нақшаи баргузории чорабиниҳои тарҳрезӣ гардид. Ҳамзамон, масъалаи муҳоҷирати меҳнатӣ ва сафарбар намудани гурӯҳҳои корӣ барои вохӯриву мулоқотҳо ва шиносоӣ бо вазъи будубош ва шароити зиндагии онҳо низ мавриди баррасӣ қарор дода шуд.
Дар доираи ин сафар гурӯҳи вакилон дар “Боғи Ғалаба”-и пойтахт, дар назди лавҳа ва гулхани абадии хотиравӣ гулдастаҳо гузоштанд.



Дар Донишгоҳи давлатии Хоруғ ба номи Моёншо Назаршоев конфронси илмӣ-назариявӣ бахшида ба “115-солагии академик Бобоҷон Ғафуров” бо ибтикори Кумитаи иҷроияи ҲХДТ дар ВМКБ дар ҳамкорӣ бо факултети таърих ва ҳуқуқи Донишгоҳбаргузор гардид.
Конфронс бо сухани ифтитоҳии муовини аввал, муовини ректор оид ба таълим, доктори илмҳои иқтисодӣ Саид Ғоибназарзода оғоз гардида, доир ба саҳми академик Бобоҷон Ғафуров оид дар таърихи халқи тоҷик ибрози ақида намуданд.
Раиси Кумитаи иҷроияи ҲХДТ дар ВМКБ Зунайда Раҷабова муфассал дар бораи бартарияти академик Бобоҷон Ғафуров дар илми таърихшиносии тоҷик ва роҳи таърихии тайкардаи он суханронӣ намуд.
Гуфта шуд, ки дар пешрафти таърихи халқи тоҷик ва илми таърихшиносӣ унвони Қаҳрамони Тоҷикистон гирифтани академик Бобоҷон Ғафуров ин заҳмати бевоситаи Президенти Ҷумҳурии Тоҷикистон муҳтарам Эмомалӣ Раҳмон таърихӣ ва бесобиқа аст.
Тақдими шоҳасари “Тоҷикон” ба ҳар як хонаводаи кишвар боз як иқдоми хирадмандона ва дурбинонаи Пешвои миллат аст ва итминон аст, ки ба ҷавонони мо мутолиаи он таъсири амиқ гузошта, ба худшиносиву худогоҳӣ ҳидоят менамояд ва онҳоро аз зери таъсири гурӯҳу ақидаҳои ифротӣ берун кашида, дар маҷмуъ ба ватандӯстиву ватанпарастӣ роҳнамоӣ мекунад.
Сипас, устодони факултети таърих ва ҳуқуқи Донишгоҳи давлатии Хоруғ ба номи Моёншо Назаршоев аз ҷумла, дотсенти кафедраи таърих ва диншиносӣ Мамадризо Алимшоев дар мавзуи “Тоҷикон-ҳамчун сарчашмаи таърихи халқи тоҷик”, ассистенти кафедраи таърих ва диншиносӣ Гулшер Дилдоров дар мавзуи “Инъикоси қадимтарин тасвирҳои рӯйисангии Бадахшон дар асари “Тоҷикон”-и Бобоҷон Ғафуров”, мудири кафедраи таърихи халқи тоҷик ва ҳуқуқ Юсуф Саидасанов дар мавзуи “Фаъолияти байналмилалии Бобоҷон Ғафуров”, Хушолбегим Сайданоева дар мавзуи “Бобоҷон Ғафуров-ходими намоёни сиёсӣ-давлатӣ” суханронӣкарданд.
Дар хотимаи конфронс як гурӯҳустодони донишгоҳ бо сипосномаҳои Кумитаи иҷроияи ҲХДТ дар вилояти Бадахшон сарфароз гардонида шуданд.