ДДМИТ ҶОЙИ СЕЮМРО ИШҒОЛ НАМУД

Донишгоҳи давлатии молия ва иқтисоди Тоҷикистон дар Рейтенги муассисаҳои таҳсилоти олии касбӣ, ки аз ҷониби Агентии назорат дар соҳаи маориф ва илми назди Президенти Ҷумҳурии Тоҷикистон баргузор карда мешавад, маќоми чорумро ва тибќи Рейтинги Webometrics Ronking of Word Universities (шаҳри Мадриди Испания) дар байни муассисаҳои таҳсилоти олии касбии Ҷумҳурии Тоҷикистон ҷойи сеюмро ва дар байни 30 000 донишгоҳҳои ҷаҳон ҷойи 13 862-ро нигоҳ дошт,- гуфт зимни нишасти хабарӣ Ҳакимбек Абдуалимзода, ректори донишгоҳи мазкур.
Ҳамчунин номбурда иброз намуд, ки дар нимсолаи аввали соли 2022 донишгоҳ бо 6 муассисаҳои олии хориҷи кишвар, аз ҷумла Филиали Ҷамъияти дорои масъулияти маҳдуди «Plagiat.pl.»-и Ҷумҳурии Ќазоќистон, Донишгоҳи техникии Ќазоќистон-Британияи Ҷумҳурии Ќазоќистон; Донишкадаи омўзгорӣ ва соҳибкории Деҳнави Ҷумҳурии Ўзбекистон шартномаи ҳамкорӣ ба имзо расонида, дар доираи лоиҳаи грантӣ дар донишгоҳ озмоишгоҳи таълимию таҷрибавии «Иқтисодиёти рақамӣ» ифтитоҳ гардид, ки имконият медиҳад минбаъд раванди рақамикунонии фанҳои таълимӣ, таҳияи наворҳои иттилоотию иртиботӣ, аудио ва видеомаърузаҳо суръат бахшида шуда, дар ояндаи наздик дар раванди таълим ҷорӣ карда шаванд.
«Ҳоло дар самти баланд бардоштани сатҳу сифати таълим ва мутобиқ намудани он ба меъёрҳои байналмилалӣ, пурра гузаштан ба шакли электронии идоракунии донишгоҳ, тақвияти корҳои илмӣ-тадқиқотӣ корҳо босуръат идома доранд», афзуд ректори Донишгоҳи давлатии молия ва иқтисоди Тоҷикистон.

Саида ХОҶАЕВА