Маҷлиси тантанавӣ бахшида ба ҷашни 30-солагӣ

Дӯстӣ: Бахшида ба ҷашни 30-солагии Истиқлолияти давлатии Ҷумҳурии Тоҷикистон, дар толори мақомоти иҷроияи ҳокимияти давлатии ноҳияи Дӯстӣ, бо иштироки намояндаи Ҳукумати Ҷумҳурии Тоҷикистон, Директори Агентии давлатии назорати молиявӣ ва мубориза бо коррупсияи Ҷумҳурии Тоҷикистон, муҳтарам Султонзода С.С, раиси ноҳияи Дӯстӣ, муҳтарам Саидзода Н.Х, роҳбарони мақомотҳои қудратӣ, раисони ташкилоту муассисаҳои ноҳияи Дӯстӣ маҷлиси тантанавӣ баргузор гардид.
Саравал раиси ноҳияи Дӯстӣ Саидзода Н.Х ва намояндаи Ҳукумати Ҷумҳурии Тоҷикистон бахшида ба ҷашни 30-солагии Истиқлолияти давлатии Ҷумҳурии Тоҷикистон, муҳтарам Султонзода С.С, ҳозиринро бо ин ҷашни бузурги давлатӣ табрику таҳният гуфта, барои дар сатҳи баланд гузаронидани чорабиниҳои фарҳангӣ бахшида ба ин ҷашни пуршукуҳ барору комёбиҳо орзу намуданд.
Дар идомаи маҷлис ба кормандонифаъол, собиқадорони меҳнат ва омӯзгорону табибон, ки дар соҳаҳои гуногун ва пешрафти ватани азизамон саҳми арзандаи худро гузоштаанд, ифтихорнома ва сипосномаҳои мақомоти иҷроияи ҳокимияти давлатии ноҳияи Дӯстӣ, Кумитаи иҷроияи ҲХДТ дар ноҳияи Дӯстӣ ва туҳфаҳои хотиравии Директори Агентии давлатии назорати молиявӣ ва мубориза бо коррупсияи Ҷумҳурии Тоҷикистон супорида шуд.