Хизмат ба Ватан - мардонагист

Аз рӯи нақшаи Кумитаи иҷроияи Ҳизби Халқии Демократии Тоҷикистон дар ноҳияи Айнӣ ва бо ташабуси ТҶҶ “Созандагони Ватан” дар ҷамоати деҳоти Дар-Дар, Анзоб ва Фондарё корҳои таблиғотӣ- ташвиқотӣ идома дорад. Дар вохуриҳо Раиси Комиҷроия Қобилзода Абдуғанӣ оид ба масъалаҳои ҳалталаби рӯз, ки боиси нооромии кишвари азизамон гашт бо ҷавонон сӯҳбат намуд. Дар баромад қайд гардид, ки имрӯз он шахсоне, ки аз обу хоки Ватани азизамон истифода бурда ба ҳар хел ҳизбу ҳаракатҳои эксремистӣ ва терористӣ шомил шуда аз хоҷаҳои хориҷиашон истифода мебаранд ношукриашон ба худашон ва ба аҳли оилаашон таъсироти сахт мерасонад. Бояд мо имрӯз ояндасози Ҷумҳурии азизамон бошед, зеро Шумо ҷавонони баору баномуси миллат ояндаи Тоҷикистони соҳибистиқлол ҳастед. Ҳамзамон мо бояд имрӯз кишвари азизамонро ҳимоя намоем ва барои хизмат ба сафи Қувваҳои Мусаллаҳ саркашӣ накунем. Ҷавобан ба гуфтаҳои Раиси Комиҷроия ҷавонон ваъда карданд, ки мо сиёсати пешгирифтаи Ҳукумати Ҷумҳурии азизамонро дастгирӣ менамоем. Мо ҷавонони солҳои пешина нестем. Бубинед солҳои пеш ҷавонон барои хизмат рафтан чи қадар саркашӣ мекарданд. Ҳатто падару модарашон фарзандонашонро мегурезонданд. Имрӯз, ки бо дастгирии Комиҷроияи ҳизби ноҳия якчанд маротиба волидайн барои дидорбинии фарзандонашон ба Қисмҳои ҳарбии шаҳру ноҳияҳои Ҷумҳури сафар намуда бо чашми худ оиди хизмати фарзандонашон огаҳи пайдо намуданд, аллакай сафи ихтиёриён ба сафи Қувваҳои Мусаллаҳ зиёд шуда истодааст. Ҳатто ҷавононе, ёфт мешавад, ки барои хизмат рафтан хоҳиш доранд, лекин ноҳия даъватро пеш аз муҳлат иҷро менамояд. Вохури бо ҷавонон озод ва дар сатҳи хуб гузашт. Чунин вохуриҳо дар деҳаҳо ва ҷамоатҳо идома дорад.
©КИ ҲХДТ дар вилояти Суғд