Валид Муаллим: Мудохилаи ҳарбӣ ба Сурия беҷавоб нахоҳад монд

- Истифодаи қувваи ҳарбӣ дар Сурия бе иҷозати Димишқ ҳамчун таҷовуз ҳисобида шуда, ба чораҳои сахти ҷавобӣ хоҳад овард,- изҳор дошт вазири корҳои хориҷии кишвар Валид Муаллим. Ба гуфтаи ӯ, ин амали он қадар дурандешона нест ва баъзе кишварҳоро набояд «ҳавову ҳавас»-и роҳандозӣ намудани чунин иқдом домангир бошад. Ба қавли ӯ, артиши кишвар дар акси ҳол таҷовузгаронро дар «тобутҳои чӯбин» бозпас хоҳад гуселонид.

Намояндаи расмии Вазорати дифои Русия Игор Конашенков гуфтааст, ки асосҳои ҷиддие мавҷуданд, ки тибқи онҳо Туркия барои ҳамла ба хоки Сурия омодагӣ мегирад. Дар ҳамин асно Арабистони Саудӣ низ тайёр будани худро барои иштирок кардан дар амалиёти ҳарбии заминӣ дар ҳайати эътилофи байналмилалӣ таҳти сарварии ИМА дар Сурия эълом доштааст. Баҳрайну Аморати Муттаҳидаи Араб низ омодагиҳои худро дар амалиёти заминӣ изҳор дошта, сафи «хоҳишмандон» айни замон рӯ ба афзоиш аст.
©Азамат Дӯстов