Хуруҷи вулқони Стромболӣ сайёҳонро маҷбур ба тарки ин макон кард

Ба ҷазираи Стромболи Италя қувваи иловагӣ аз муҳофизони оташфишонӣ равона карда шуданд. Мутахассисон ҳолати вулқонро бо диққат пайгирӣ мекунанд. Як рӯз пеш дар он ҷо вулқони сахте хуруҷ карда, гирду атрофро чанголуд ва порҳаои оташаро ба ҳар тараф пош дод. Кӯҳҳо дар зери назорати ҳавопаймоҳои сӯхторхомӯшкунӣ қарор доранд. Қурбони ин оташфишонӣ як нафар ба қайд гирифта шудаст. Бо гуфтаи ҳокимияти маҳаллӣ ӯ дар натиҷаи ғубори заҳролуди вулқон нафастанг шуда фавтидаст.
Гарчанде пас аз вулқон шабона ҳама ҷо ором шуд, аммо сайёҳон саросемавор Стромболиро тарк мекарданд.
Вулқони Стормболӣ ҳанӯз якчанд ҳазор сол аст, ки бардавом оташфишонӣ мекунад. Таркиши андак ва заминҷунбии ноаён тақрибан ҳар соат ва ҳатто зудтар аз ин низ рух медиҳад. Одатан ин вулқонҳо хатари ҷиддие пеш намеорад ва сабаби асосии омадани бисёре аз сайёҳонро ба ин ҷо маҳз ба хотири тамошои онҳо рабт медиҳанд.