Бақайдгирӣ Ворид
Ворид ба сомона
tj
» » » » Рэкспорт гардидани беш аз 100 тонна хурмои пастсифат аз қаламрави гумрукии Ҷумҳурии Тоҷикистон

Рэкспорт гардидани беш аз 100 тонна хурмои пастсифат аз қаламрави гумрукии Ҷумҳурии Тоҷикистон

6-06-2019, 11:52
Хабарро хонданд: 13 нафар
Назарҳо: 0
Рэкспорт гардидани беш аз 100 тонна хурмои пастсифат аз қаламрави гумрукии Ҷумҳурии Тоҷикистон 106 тонна хурмои воридотӣ аз ҷониби мутахассисони Агентии «Тоҷикстандарт» пастсифат арзёбӣ гардида, дар доираи ҳамкорӣ бо Кумитаи давлатии амнияти миллии Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон аз қаламрави гумрукии ҷумҳурӣ реэкспорт карда шуд.
Тавре ба АМИТ «Ховар» аз Агентии «Тоҷикстандарт» иттилоъ доданд, мутахассисони «Тоҷикстандарт» зимни гузаронидани корҳои сертификаткунонӣ ва ташхиси хурмо, ки аз ҷониби соҳибкори ватанӣ ворид гардидааст, муайян намуданд, ки маҳсулот аз рӯи сифату бехатарӣ ба талаботи Регламенти техникии Ҷумҳурии Тоҷикистон «Бехатарии маҳсулоти хӯрокворӣ» мутобиқ нест ва ба ин маҳсулот сертификати мутобиқат дода нашуд.
Тибқи иттилои сарчашма, баъзе аз соҳибкорон барои ба даст овардани даромади бештар талаботи Қонунҳои Ҷумҳурии Тоҷикистон «Дар бораи ҳимояи ҳуқуқи истеъмолкунандагон», «Дар бораи бехатарии маҳсулоти хӯрокворӣ» ва Регламенти техникии Ҷумҳурии Тоҷикистон дар бораи «Бехатарии маҳсулоти хӯрокворӣ»-ро вайрон намуда, маҳсулоти хӯроквории муҳлати истеъмолаш гузашта, пастсифат ва ба саломатии инсон хатарнокро ба ҷумҳурӣ ворид менамоянд.
Дар ин робита, мунтазам бо соҳибкорон корҳои фаҳмондадиҳӣ гузаронида мешавад. Новобаста ба тақвияти чорабиниҳои тарғиботию фаҳмондадиҳии мутахассисони «Тоҷикстандарт» дар марказҳои савдо ва бозорҳо камбудию норасоиҳо вуҷуд доранд, ки ислоҳи он, пеш аз ҳама ба масъулият ва ҳалолкории соҳибкорону фурӯшандагон, ҳамчунин масъулони бозорҳо вобастагӣ дорад.
Аз ҷониби дигар, истеъмолкунандагон низ аз ҳуқуқҳои худ бояд истифода бурда, дар вақти харидорӣ намудани ин ё он намуди маҳсулоти хӯрока ва ё молҳои ниёзи мардум, пеш аз ҳама ба санаи истеҳсол ва муҳлати истеъмол эътибор дода, дар ҳолати зарурат сертификати мутобиқати маҳсулотро аз фурӯшанда талаб намоянд. Харидор ҳуқуқ дорад дар вақти набудани сертификат он маҳсулотро харидорӣ накунад ва дар сурати вайрон гаштани ҳуқуқҳояш ба мақомоти «Тоҷикстандарт» муроҷиат намояд.
Мақоми мавод:
  
Чоп
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
Назари худро гузоред
Номи Шумо: *
E-mail: *
Матни назар:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Рамз: Включите эту картинку для отображения кода безопасности
Агар рамз ноаён бошад, он гоҳ пахш намоед
Рамзро ворид кунед: