Амалҳои коррупсиониро маҳкум мекунем

Дар асоси нақша чорабиниҳои Кумитаи иҷроияи ҲХДТ дар ноҳияи Зафаробод аксияи «Амалҳои коррупсиониро маҳкум мекунем» идома дорад. Санаи 07.10.2015 муовини Раиси Кумитаи иҷроияи Ҳизби Халқии Демократии Тоҷикистон дар ноҳияи Зафаробод Дониёров Парвиз Худоёрович бо хонандагони Муассисаи таҳсилоти миёнаи умумии №13-и ноҳияи Зафаробод дар мавзӯи «Порагириро решакан месозем» вохӯрӣ намуд. Дар вохӯри 112 нафар хонандагон ва омӯзгорони ҷавони муассисаи номбурда иштирок намуданд. Сарвари МТМУ №13 дар ноҳияи Зафаробод Худоёрова Гавҳар дар вохӯрии имрӯза таъкид намуд, ки Ҳизби Халқии Демократии Тоҷикистон ҳамеша оид ба масъалаҳои доғи рӯз ва пешгирии амалҳои номатлуб семинар ва мулоқотҳои пайваста бо хонандагон гузаронида баҳри баланд бардоштани маърифати ҳуқуқии онҳо саҳми арзандаи худро мегузорад. Дар баромади худ Муовини Раиси Кумитаи иҷроияи Ҳизби Халқии Демократии Тоҷикистон дар ноҳияи Зафаробод Дониёров Парвиз қайд намуд, ки Ҳизби Халқии Демократии Тоҷикистон татбиқи сиёсати давлатро дар самти баланд бардоштани маърифати ҳуқуқии шаҳрвандон ва таъмини ҳуқуқу озодиҳои инсон, тарғиби Конститутсия ва қонунҳои Ҷумҳурии Тоҷикистонро яке аз вазифаҳои аввалиндараҷаи худ мешуморад. Бо шарофати Сарвари давлат, Раиси Ҳизби Халқии Демократии Тоҷикистон мӯҳтарам Эмомалӣ Раҳмон, ислоҳоти фарогир ва дигаргунсозӣ сиёсӣ, иқтисодиву иҷтимоӣ идома дорад, ки он барои зиндагии арзандаи сокинон шароити мусоид фароҳам меорад. Инчунин аз амалҳои коррупсионӣ ва муқовимати Тоҷикистон дар арсаи байналмиллалӣ барои пешгирии коррупсия, шомилшавии ҷавонон ба ҳар гуна ҳизбҳои тундрави террористиву ифротгароӣ сӯҳбати озод намуд. Бояд қайд намуд, ки хонандагон низ дар ин вохӯри фаъолона иштирок намуда муқобилияти худро бар зиди ин амалҳои номатлуб нишон доданд.
©КИ ҲХДТ дар вилояти Суғд