МАШВАРАТИ КОРӢ

Бо мақсади зиёд намудани сафи ташкилотҳои ибтидоии ҲХДТ дар ноҳияи Шоҳмансур ва татбиқи амалии ҳадафҳои барномавию оинномавӣ машварати кории Изатуллои Ҳабибзод –Муовини Раис-Роҳбари Дастгоҳи Кумитаи иҷроияи ҲХДТ дар ноҳияи Шоҳмансур бо Одиназода Рамазон-Раиси Кумитаи Иттифоқи касабаи кормандони соҳаи маориф ва илми Ҷумҳурии Тоҷикистон баргузор гардид.
Дар машварат ҷонибҳо оиди таъсиси ташкилоти ибтидоии ҲХДТ дар Кумитаи Иттифоқи касабаи кормандони соҳаи маориф ва илми Ҷумҳурии Тоҷикистон, иштироки кормандони Кумитаи мазкур дар чорабиниҳои сиёсӣ, амалишавии қонунҳои амалкунандаи кишвар, вазъи зудтағйирёбандаи ҷомеаи ҷаҳон, дар ниҳоди насли наврасу ҷавон бедор кардани ҳисси худшиносӣ ва муҳаббат ба Ватан, риояи талаботҳои Маромномаи сокини пойтахт, баргузории чорабиниҳои гуногун дар ҳамдастӣ ибрози андешаронӣ карда шуд.
Дар машварат бештар оиди мавриди истифода қарор гирифтани агрегати аввали НБО “Роғун” ва ба ин васила расидан ба истиқлолияти энергетикӣ сӯҳбат доир шуд.
Ҷонибҳо ба мувофиқа омаданд, ки дар рӯзҳои наздиктарин дар Кумитаи Иттифоқи касабаи кормандони соҳаи маориф ва илми Ҷумҳурии Тоҷикистон ташкилоти ибтидоии ҲХДТ таъсис дода шавад.