СОЛИ РУШДИ САЙЁҲӢ ВА ҲУНАРҲОИ МАРДУМӢ ТАМОМИ ҲУНАРМАНДОНИ МАМЛАКАТРО РӮҲБАЛАНД НАМУД2-10-2018, 09:25
Хабарро хонданд: 129 нафар
Назарҳо: 0
 Дар маҳаллаи “Роҳи оҳан” бахшида ба Соли рушди сайёҳӣ ва ҳунарҳои мардумӣ бо ҷалби сокинон ва ҳунармандони маҳалла намоиши ҳунарҳои мардумӣ баргузор карда шуд. Муовини раиси КИ ҲХДТ дар шаҳри Кӯлоб Фирузи Саидмӯъмин ва мудири шуъбаи кор бо ҷавонони Кумитаи иҷроияи ҲХДТ дар шаҳри Кӯлоб Файзуллоев Алишер аз намоиши ҳунарҳои сокинони маҳалла, ки ба маърази тамошо гузошта буданд, дидан карда, сипас дар суханронии худ қайд карданд, ки ин рӯйдоди муҳим ва фараҳбахш ширкатҳои сайёҳӣ, ассотсиятсияву созмонҳои соҳавӣ ва тамоми ҳунармандони мамлакатро руҳбаланд намуда, ин иқдоми Пешвои муаззами миллат аз ҷониби аҳли ҷомеа бо хушнудӣ пазируфта шуд. Дар Соли рушди сайёҳӣ ва ҳунарҳои мардумӣ Кумитаи иҷроияи ҲХДТ дар шаҳри Кӯлоб нақшаи чорабиниҳои мукаммал таҳия карда, бо мақсади ҷалби мардум ба ҳунарҳои аҷдодии хеш, бедор кардани завқи зебоипарастӣ дар замири ҷавонону наврасон ва ҳавасмандгардонии ҳунармандон дар доираи он як қатор чорабиниҳои сатҳи маҳалро миёни ҷомеа баргузор карда истодааст. Ва ин иқдом то охири соли равон роҳандозӣ карда мешавад.  Дар охир миннатдории самимии худро ҳунармандони маҳалла ба Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон барои дастгириҳои ҳамаҷониба дар ростои Соли рушди сайёҳӣ ва ҳунарҳои мардумӣ иброз доштанд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
