Вохӯрӣ

Ба наздикӣ Эмомалӣ Насриддинзода, вакили Маҷлиси намояндагони Маҷлиси Олии мамлакат, раиси Кумитаи қонунгузорӣ ва ҳуқуқи инсон, Азизхӯҷа Азизов, раиси Кумитаи иҷроияи ҲХДТ дар ноҳияи Фирдавсӣ, Заррина Файзуллозода, раиси Кумитаи иҷроияи ҲХДТ дар ноҳияи Сино, Раҳмиддин Бобоев, вакили Маҷлиси вакилони халқи шаҳри Душанбе ва дигар кормандони масъули кумитаҳои иҷроияи ҳизбии ноҳияҳои номбурда бо сокинони маҳаллаи Дӯстӣ вохӯриву мулоқот намуданд.
Э. Насриддинзода асосан атрофи таълиму тарбияи насли наврас ҳарф зада, таъкид намуд, ки имрӯз барои илм ва касбомӯзӣ тамоми шароитҳои зарурӣ фароҳам аст.
"Вале илм бе тарбия суде нахоҳад дошт. Илмро сифатҳои баланди инсонӣ метавонад барои ҷомеа судманд созад ва олимро дар назди ҷомеа соҳибобрӯву соҳибэҳтиром гардонад. Аз ин рӯ, ба тарбияи насли наврас диққати ҷиддӣ додан зарур аст. Модарон дар ин самт нақши асосиро мебозанд,"- гуфт мавсуф. Агар ҷомеа аз насли ботарбия ва руҳан солим тартиб ёфта бошад, ҷомеаи солим ва оила солим аст,-илова намуд номбурда.
Ҳамзамон дар мавриди ҳуқуқи инсон, масъалаи андоз, замин дар қонунгузорӣ изҳори назар намуд.