ШОГИРДИ «ПИФАГОР» «УСТОДИ АРИФМЕТИКАИ ЗЕҲНӢ» ГАРДИД. Хонандагони тоҷик дар Олимпиадаи байналхалқии арифметикаи зеҳнӣ мақоми аввал гирифтанд6-06-2018, 09:14
Хабарро хонданд: 169 нафар
Назарҳо: 0
 Июнь 6, 2018 08:34 ДУШАНБЕ, 06.06.2018 /АМИТ «Ховар»/. 22 нафар тарбиятгирандагони Маркази инкишофи зеҳнии «Пифагор» — и шаҳри Хуҷанд дар олимпиадаи байналхалқии арифметикаи зеҳнӣ, ки 2-3 июни соли равон дар шаҳри Москваи Федератсияи Россия баргузор шуд, иштирок намуда, соҳиби мақоми аввал гардиданд. Тавре аз хадамоти матбуоти раиси вилояти Суғд ба АМИТ «Ховар» хабар доданд, олимпиадаи мазкур байни 4 давлат — Россия, Тоҷикистон, Қазоқистон ва Қирғизистон бо шумули 66 шаҳрҳои ин мамлакатҳо доир гардида, тарбиятгирандагони Маркази инкишофи зеҳнии «Пифагор» бо гирифтани 5 Ҷом ва 18 мақоми якум ба нишондиҳандаи олитарини олимпиада муваффақ гардиданд. Ба иттилои манбаъ, дар олимпиадаи байналхалқӣ 20 нафар хонандагони мактабҳои таҳсилоти ҳамагонии шаҳри Хуҷанд ва 2 нафар хонандагони мактабҳои шаҳри Бӯстон иштирок намуда, 18 нафари онҳо, ки аз 6 то 15-солаанд, ҷойҳои аввалро соҳиб шуданд. Хонандаи синфи 8-и литсейи №1-и ба номи академик Муҳаммад Осимии шаҳри Хуҷанд Ғайрат Усмонов дар олимпиадаи мазкур 210 адад мисолро давоми 25 дақиқа ҳал намуда, ба унвони «Устоди арифметикаи зеҳнӣ» комёб гардид. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
