Кӯдакони даврони Истиқлол1-06-2018, 14:21
Хабарро хонданд: 109 нафар
Назарҳо: 0
 Дар ноҳияи Деваштич бахшида ба таҷлили Рӯзи байналмилалии ҳифзи кӯдакон чорабинидоир гирдид. Дар чорабинӣ зиёда аз 500 нафар кӯдакон аз ҳамаи Ҷамоатҳои шаҳраку деҳот ҷамъ омада, ба боғи фарҳангии Сомониён як ҳусни дигар бахшиданд. Чорабинӣ бо сухани ифтитоҳии Раиси ноҳия Рустам Ҷӯразода оғз ёфт. Дар суханронӣ Раиси ноҳия қайд намуд, ки ҳимоя ва беҳдошти саломатии кӯдакон, ташаккули нерӯзи ахлоқию зеҳнии бачагон яке аз самтҳои афзалиятноки сиёсати Ҳукумати Ҷумҳурии Тоҷикистон ва Пешвои миллат муҳтарам Эмомалӣ Раҳмон қарор дорад. Сарвари давлат ғамғорӣ ба кӯдакон, беҳдошти саломативу шароити зарурӣ муҳайё сохтанро мунтазам қайд менамоянд. Зеро миллати солим аз насли солим сарчашма мегирад. Ҳамзамон кӯдакони боғчаҳои ноҳиявӣ ва мактаби санъат, дар баргузории чорабинӣ саҳми хешро гузоштанд. Ба меҳмонон, намояндагони мақомотҳо, ташкилоту корхонаҳо ва волидон бо баромаду суруду рақсҳои хеш рӯҳияи идона бахшиданд. Лоиқ Тӯйчиев мутахассиси шӯъбаи таблиғоту иттилооти КИХХДТ н.Деваштич |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
