Тӯфони «Фредерик» ба Германия 500 миллион евро хисорот расонд22-01-2018, 10:12
Хабарро хонданд: 340 нафар
Назарҳо: 0
 ДУШАНБЕ, /АМИТ «Ховар»/. Маблағи хисороти тӯфони «Фредерик», ки 18 январ Германияро фаро гирифта буд, тақрибан 500 миллион евроро ташкил дод. Дар ин бора рӯзи ҷумъа нашрияи немисии «Frankfurter Allgemeine Zeitung» бо истинод ба Ҷамъияти суғуртакунони германӣ (GDV) хабар дод. Бино ба иттилои манбаъ, тибқи маълумоти охир, бар асари тӯфони мазкур дар Германия 8 нафар, дар Голландия аз 2 то 3 нафар ва дар Белгия 1 нафар ба ҳалокат расидаанд. Ҳамчунин дар кишварҳои номбурда чанд нафар маҷрӯҳ гардидаанд. Тибқи маълумоти нашрияи мазкур, тӯфони «Фредерик» аз рӯи қувва нисбат ба тӯфони «Кирилл», ки Германияро соли 2007 фаро гирифт ва маблағи хисороти он беш аз 2 миллиард евроро ташкил дода буд, пасттар аст. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
