Рӯзи ҷавонон15-08-2017, 09:59
Хабарро хонданд: 173 нафар
Назарҳо: 0
Бахшида ба рӯзи Варзишгарон ,10-августи соли 2017 дар толори маҷлисгоҳи мақомоти иҷроияи ҳокимияти давлатии ноҳияи Шамсиддин Шоҳин, «Рӯзи Варзишгарон» бо як шукӯҳу шаҳомати хоса таҷлил гардид. Чорабинӣ бо ташаббуси мақомоти иҷроияи ҳокимияти давлатии ноҳия, комиссияи кор бо ҷавонон ва намояндагии ТҶҶ «Созандагони Ватан» ташкил ва баргузор карда шуд. Бо суханони ифтитоҳӣ узви Кумитаи иҷроияи ҲХДТ, раиси ноҳия мӯҳтарам Зарифзода Почохон ҳозиринро ба «Соли Ҷавонон» эълон гардидани соли 2017 ва рӯзи Варзишгарон табрик намуда қайд кард, ки варзиш-гарави саломатии инсон аст ва ҷавонон- маҳаки асосии пешбарандаи ҷомеаи имрӯзу оянда мебошанд Ҷавонони даврони истиқлол-пайравони - Пешвои миллатанд. Баъдан раиси комиссияи кор бо ҷавонони назди КИН ҲХДТ, мудири бахши ҷавонон, варзиш ва сайёҳии ноҳия Раҷабов Ҳисайн ҳозиринро ба рӯзи Варзишгарон табрик намуда, оиди фаъолият ва дастовардҳои варзишгарони ноҳия дар тули як сол ҳисобот пешниҳод намуд. Дар қисмати интиҳоӣ аз тарафи мақомоти иҷроияи ҳокимияти давлатии ноҳия ва комиссияи кор бо ҷавонони назди КИН ҲХДТ ба 18-нафар Варзишгарон, 5-нафар собиқадорони варзиш ва 4-мураббӣ Ифтихорнома ва туҳфаҳои моливу пулӣ супорида шуд. |
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.