Энтони Скарамуччӣ дар Кохи сафед танҳо 10 рӯз кор кард1-08-2017, 09:08
Хабарро хонданд: 127 нафар
Назарҳо: 0
 Президенти ИМА Доналд Трамп Энтони Скарамуччӣ, мудири бахши робита бо ҷомеаи Кохи сафедро аз мақомаш барканор кард. Дар ин бора дар изҳороти расмии Кохи сафед иттилоъ дода шудааст. "Скарамуччӣ аз мудирии бахши робита бо ҷомеаи Кохи сафед канор меравад. Ба назари ӯ, беҳтар аст, ки ба раиси нави дастгоҳ Ҷон Келлӣ имкон дода шавад, то корро аз сари нав оғоз ва тими худро ташкил кунад", - омадааст дар изҳорот. Пештар нашрияи New York Times бо истинод ба се манбаи худ аз истеъфои Скарамуччӣ хабар дода буд. Скарамуччӣ чанд соат баъд аз маросими савгандёдкунии Ҷон Келлӣ ба ҳайси раҳбари нави дастгоҳи Кохи сафед истеъфо додааст. Нашрияи "Политик" иттилоъ дод, ки Скарамуччӣ бо дархости Келлӣ аз мақомаш барканор шуд. Ӯ ҳамагӣ 10 рӯз дар мақоми мудири бахши робита бо ҷомеаи Кохи сафед кор кард. Пештар, ҳафтаи гузашта, Скарамуччӣ баробари таъйин шуданаш ба ин мақом як қатор мақомҳои баландпояи Кохи сафед, аз ҷумла раиси пешини дастгоҳи президент Рейнс Прибусро интиқод кард. Прибус баъдан истеъфо дода, ба ҷояш Келлӣ таъйин шуд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
