Мулоқоти Қоҳир Расулзода бо Навоз Шариф5-07-2017, 09:07
Хабарро хонданд: 183 нафар
Назарҳо: 0
 ДУШАНБЕ, 05.07.2017 /АМИТ «Ховар»/. Нимаи дуюми имрўз мулоқоти Сарвазири Ҷумҳурии Тоҷикистон Қоҳир Расулзода бо Сарвазири Ҷумҳурии Исломии Покистон Муҳаммад Навоз Шариф, ки бо сафари расмӣ дар Ҷумҳурии Тоҷикистон қарор дорад, баргузор гардид. Дар мулоқот масоили рушду густариши муносибатҳои байниҳукуматии Тоҷикистон ва Покистон дар соҳаҳои ояндадор, аз ҷумла дар соҳаҳои сиёсат, нақлиёту коммуникатсия, иқтисоду тиҷорат, сармоягузорӣ, илму техника ва фарҳанг баррасӣ гардиданд. Изҳори боварӣ карда шуд, ки робитаҳои дуҷониба ва бисёрҷонибаи Ҷумҳурии Тоҷикистон ва Ҷумҳурии Исломии Покистон дар оянда бо талошҳои роҳбарияти олии ду давлат рушду тавсеа ёфта, ба манфиати ду халқияти як минтақаи бузург хизмат хоҳанд кард. Ҷонибҳо барои таҳкими ҳамкориҳои иқтисодию тиҷоратӣ бо назардошти ҷоннок намудани кори Комиссияи байниҳукуматӣ оид ба ҳамкориҳои тиҷоратию иқтисодӣ ҳавасмандӣ зоҳир карданд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
