Вохурии раиси Кумитаи Иҷрояи ҲХДТ дар вилояти Хатлон

Чанд рӯз пештар аз ҷониби Кумитаи иҷроияи Ҳизби Халқии Демократии Тоҷикистон дар ноҳияи Панҷ бо иштироки фаъолони ҳизб, ҷавонон, занони пешқаддам, раисони ташкилоҳои ибтидоӣ ва аъзоёни ситодҳои доиамалкунандаи ҳизбии ҳудуди ҷамоатҳои шаҳраку деҳот ҷамъомади калоне доир гардид.
Дар ҷамъомади мазкур мақолаи муовини якуми раиси ҲХДТ муҳтарам Фаттоҳзода Саидмурод Самад «Ҳазорсола раҳ аст аз ту то мусулмонӣ», ки дар ҳафтаномаи «Минбари халқ» рӯзи 8 феврали соли 2017 ба нашр расидааст баррасӣ гардида, мавриди омӯзиш қарор гирифт.
Ҳамчунин, дар ин ҷамъомад вазифаҳои хизбиён оид ба иҷрои дастуру супоришҳои Президенти Ҷумҳурии Тоҷикистон, Пешвои миллат, Раиси муаззами ҳизб муҳтарам Эмомалӣ Раҳмон, ки аз Паёмашон ба Маҷлиси Олӣ ва суханрониашон дар маҷлиси васеи Кумитаи иҷроияи ҲХДТ аз 5 январи соли 2017 бармеоянд, мушаххас гардонида шуданд.
Дар ин ҷаласа раиси ташкилоти ибтидоии ҳифзи иҷтимоӣ Ш. Машрабов, роҳбари гурӯҳи «Ҷавонони ташаббускор» Б. Файзизода, раиси Кумитаи иҷроияи ҲХДТ дар ноҳияи Панҷ Ё. Носиров бо маърӯзаю гузоришҳои пурмазмун баромад намуданд.

Раиси КИ ҲХДТ дар вилояти Хатлон А. Ализода дар ҷамъомад оид ба масъалаҳои дар боло зикргардида ва ҷоннок намудани фаъолияти ситодҳои доимамалкунандаи ҳизбӣ муфассал суханронӣ намуд. Таъкид гардид, ки масъалаҳои дар ин ҷаласа баррасишуда дар ҳамаи ташкилотҳои ибтидоии ҳизбӣ муҳокима гардида, аъзоёни гурӯҳҳои таблиғотӣ, мобилӣ ва бахшҳои ҷамиятии «Фарҳанги сиёсӣ» бо шаҳрвандон дар ҳамин самт вохӯриву сӯҳбатҳо доир намоянд.
Дар охири чорабинии мазкур ба 10 нафар ҷавонони фаъол, аз тарафи раиси Кумитаи иҷроияи ҲХДТ дар вилояти Хатлон А.Ализода шаходатномахои ҳибӣ супорида шуд.


КИ ҲХДТ дар ноҳияи Панҷ.