Ҷашни ниёгон дар Деваштич

Дар ноҳияи Деваштич мардуми меҳнатқарин дар асоси дастуру нишондодҳои Асосгузори Сулҳу Ваҳдати миллӣ – Пешвои миллат, муҳтарам Эмомалӣ Раҳмон ҷиҳати ба роҳ мондани корҳои ободониву бунёдкорӣ талош варзида, дар соҳаҳои мухталифи хоҷагии халқ аҳлона меҳнат карда истодаанд.
Кишвари сарсабзу соҳибтамаддуни тоҷик, ки таърихи куҳан дорад, дар баргузории расму оинҳо, суннатҳову маросимҳо ва анъанаҳои мардумӣ аз қабили ҷашнҳои Сада, Наврӯз ва Меҳргон мавқеи асосиро ишғол менамояд.



Аз ин ҷост, ки сокинони бофарҳанги ноҳия таҳти ғамхориҳои Сарвари давлат, расму оинҳои миллии аҷдодии худро, ки моҳияти иҷтимоӣ, фарҳангӣ ва этнографӣ доранд, ба таври ҳамешагӣ таоғибу ташвиқ намуда,пос медоранд.
Иди Сада яке аз ҷашнҳои ориёи қадим маҳсуб ёфта, рамзи бедоршавии табиат, оғози кишту кор ва мафҳуми аз сардӣ ба гармӣ расиданро дорост.

Бахшида ба ин ҷашни таърихии ниёгон дар маркази ноҳия чорабинии фарҳангӣ бо сурудани савту садоҳои миллӣ, намоиши ҳунарҳои мардумӣ, маҳсулоти адрасу атлас ва либосҳои миллии анъанавӣ, машқҳои варзишии халқӣ, намоиши гулу ниҳолҳо ва ярмаркаи фурӯши маҳсулоти кишоварзӣ бо иштирок ва суханронии бевоситаи оаиси ноҳия Рустам Ҷӯразода баргузор гардид. Собиқадорони меҳнат, роҳбарони ташкилоту муассисаҳо, фаъолону сокинони ноҳия ва кулли ширкаткунандагон аз баргузории чунин чорабинӣ изҳорӣ хурсандӣ намуданд.
Сарвар Саидов
роҳбари НТҶҶ «Сзандагони Ватан
дар ноҳияи Деваштич