Парчамат поянда бошад, Тоҷикистони азиз!

Баҳри дар амал татбиқ намудани дастурҳои роҳбарияти Ҳизби Халқии Демократии Тоҷикистон ва тарғибу ташвиқи дастовардҳои соҳибистиқлолӣ аз қабили арҷгузорӣ ба муқаддасоти давлатӣ, бахшида ба таҷлили Рўзи Парчами давлатии Ҷумҳурии Тоҷикистон дар омўзишгоҳи касбию техникии №64-и ноҳияи Деваштич аз ҷониби НТҶҶ «Созандагони Ватан» мулоқот бо ҷавонон баргузор гардид. дар рафти мулоқот зикр гардид, ки бояд ҳар яки мо шукри тинҷиву осудагӣ, шукри ваҳдату ягонагӣ ва Истиқлолияти кишварамонро кунем ва зери ин муқаддасоти миллӣ, ки таҳти сиёсати хирадмандонаву мардумпарваронаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон парафшон буда, Тоҷикистони биҳиштосои мо ободу зебо, сатҳу сифати зисту зиндагони ҳар яки мо рӯз аз рӯз боло рафта, дастовардҳои беназир зиёд гардида истоданд, кору фаъолият дошат бошем. Ҳамасола саросари кишвари азизу маҳбубамон рӯзи 24 ноябр ҳамчун Рӯзи Парчами давлатии Ҷумҳурии Тоҷикистон ҷашн гирифта мешавад ва чи тавре, ки Сарвари давлатамон қайд намудаанд «Мо зери ҳамин Парчам ба ваҳдати миллӣ расидем ва Парчами миллӣ Ваҳдату ягонагии моро боз ҳам мустаҳкам менамояд. Дар зери ҳамин рамзи муқаддаси миллӣ мо сиёсати созандагию бунёдкоронаамонро барои баланд бардоштани сатҳу сифати зиндагии мардум амалӣ менамоем ва таҳти ливо ҷомеаи нав, озоду демократӣ ва ҳуқуқбунёду дунявӣ месозем.»
Раиси НТҶҶ «Созандагони Ватан» Сарвар Саидов инчунин бо ин ҷашни бузургу муқаддаси халқу миллати тоҷик – Рӯзи Парчами Ҷумҳурии Тоҷикистон кулли омӯзгорону хонандагонро табрик намуда, зикр кард, ки дар ҳақиқат Парчами давлатӣ чун рамзҳои дигари давлатӣ рамзи муқаддаси Истиқлолият ва соҳибихтиёрӣ буда, симои воқеӣ ва таърихии худро дар намуди ба худ хос инъикос менамояд. Парчами давлатӣ рукни асосии муқаддасоти миллӣ низ ба шумор рафта бо дидани Парчам ифтихори ватандорӣ ва эҳсоси масъулияти ҳар як шаҳрванд дар назди Ватан боло меравад. Дар охир аз ҷониби хонандагони фаъоли муассиса дар бораи Парчам маърӯзаву шеърҳои ҷолиби диққат қироат гардид.
Л.Тўйчиев – мутахассис оид ба иттилооти КИ ЊХДТ дар н.Деваштич