Эмомалӣ Раҳмон - бунёдгузори давлати соҳибихтиёр.

Тибқи нақшаи чорабиниҳои Кумитаи иҷроияи ҲХДТ дар шаҳри Норак дар доираи гузаронидани чорабиниҳо бахшида ба Рӯзи Президенти Ҷумҳурии Тоҷикистон дар китобхонаи марказии шаҳр бо ҷалби аъзоёну ҷонибдорони ҲХДТ аз ташкилотҳои ибтидоии ҳизбӣ, собиқадорони ҳизб конференсияи ҳизбӣ таҳти унвони «Эмомалӣ Раҳмон-бунёдгузори давлати соҳибихтиёр» доир гардид.
Сараввал конференсияро раиси Кумитаи иҷроияи шаҳрии ҳизб Гулмуродзода Қумриниссо оғоз намуда, ҳозиринро бо ин санаи муҳими таърихӣ табрик намуд. Мавсуф иброз дошт, ки маҳз бо ҷаҳду талошҳои Сардори давлат, Асосгузори сулҳу ваҳдати миллӣ-Пешвои миллат Эмомалӣ Раҳмон ормонҳои мардуми тоҷик амалӣ гашта, ба Истиқлолият ва ваҳдати комил расидем. Ҳамин аст, ки Истиқлолияти ба даст овардаи моро 150 давлати дунё эътироф кардаанд. Тасвири симои шахсе, ки халқи беш аз ҳзор сол аз санаи таърих дурафтодаро аз сари нав ҳамчун миллати соҳибдавлат ба арсаи сиёсати ҷаҳонӣ ворид сохт, халқи гирифтори гирдоби нобудиро наҷот дод, ҷон дар кафи даст мухолифинро ба оғӯш кашид, гунаҳгорон, ҷинояткоронро авф кард, гурезаҳоро ба Ватан, ба макони зисти авлодияшон овард, ба миллат ваҳдат, омият овард, ҳама дорои, қудрат ва сиёсатро дар хизмати инсон гузошт, пояи давлатдориро аз сифр, низоми молиявиро аз хазинаи холии бағоратрафта, неъмати озодиву соҳибдавлатиро барои ташнагони беш аз ҳазорсола эҳдо кард, сафи модарони тоҷикро ҳамчун модари миллати соҳибдавлат то созмонҳои бонуфузи байналмиллалӣ расонид, мардуми парешонгаштаро дар сари дастархони сиёсати миллӣ муттаҳид сохт, дар харитаи сиёсии ҷаҳон давлатеро бо номи Точикистон сабт кард. Бо корҳои хирадмандонааш қарзи фарзандии худро дар назди Ватан-модар адо кард. Ӯ қаҳрамон аст. Қаҳрамоне, ки мақсаду мароми ӯ осудагиву тинҷии халқу ватанаш мебошад . Албатта Ватан чунин фарзандони ҷонфидои худро фаромӯш намесозад. Номи онҳо абадан дар саҳфаҳои таърих боқи хоҳад монд.


Дар фарҷом Гулмуродзода Қумриниссо ҳамаи иштирокчиёни ҷамъомадро ба ин санаи муҳими таърихӣ - Рӯзи Президенти Ҷумҳурии Тоҷикистон табрик гуфта, чорабиниро ҷамъбаст намуданд.




Мудир шуъбаи кор бо занон ва ҷавонони Кумитаи иҷроияи ҲХДТ дар шаҳри Норак М. Ғуриева