Робитаи ҲХДТ бо донишҷӯён қавитар мегардад.

Дар Барномаи ҲХДТ омадааст, ки тарзи ҳаёти солим, дӯст доштани Ватан, барпо кардани оилаи усутувор, омодагии касбӣ барои ҷавонон аз арзишҳои судманду муҳим ба ҳисоб мераванд. Мо ба ташкили шароити мусоид барои амалӣ гардонидани ин арзишҳо бо такмил ва татбиқ намудани барномаҳои сиёсати кадрӣ, фароҳам овардани ҷойҳои нави корӣ, дастгири оилаҳои ҷавон мусоидат менанамоем. Бо назардошти гуфтаҳои болоӣ рӯзи гузашта дар коллеҷи тиббии шаҳри Хуҷанд бо донишҷӯён мулоқот доир гардид. Зимни вохӯрӣ сарвари коллеҷ, номзади илми тиб Илҳомҷон Комилов, ки ҳамзамон раиси ташкилоти ибтидоии ҳизбӣ мебошад, ба ҳозирин баён дошт, ки ҲХДТ дар шароити ҳассоси таърихӣ бо мақсади сарҷамъ намудани мардум рӯи кор омада, барномааш бо дурнамои Ҳукумати Ҷумҳурӣ тавъаманд аст. Ҳамзамон номбурда аз вазъи шомилшавии ҷавонон ба сафи ҳизб мисолҳо оварда, донишҷӯёнро ба он даъват кард, ки бетарафӣ зоҳир накунанд ва бо муайян кардани мавқеи худ нафъе бар ҷомеа гузоранд. Чанде аз донишҷӯён омодагии худро дар ин самт баён доштанд. Қарор шуд, ки минбаъд робитаи ҷомеаи устодону шогирдон бо ҲХДТ қавитар мегардад.