Афзоиши узвият ба ҲХДТ-ҳизби сулҳовар

Ташкилоти ҷамъиятии ҷавонон «Созандагони Ватан» дар доираи даври дуюми чорабиниҳои худ бо мақсади пешгирии гаравидани ҷавонон ба гурӯҳҳои ифротӣ дар рӯзҳои таҷлили ҷашни Сарқонуни кишвар дар навоҳии минтақаи Рашт мулоқоту суҳбатҳо, дарсҳои сиёсӣ ва семинарҳои омӯзиширо бо қишрҳои мухталифи ҷомеа, аз ҷумла ҷавонони минтақа доир намуд.
Ҳамчунин вохӯрии роҳбарияти ташкилоти ҷавонони ҲХДТ бо донишҷӯёни Донишкадаи давлатии омӯзгорй дар ноҳияи Рашт ва коллеҷи тиббии нохияи Рашт сурат гирифт.
Дар ин муассисаҳои таълимӣ, ки ба омода намудани кадрҳои соҳаи тиб ва омӯзгорӣ машғуланд, донишҷӯён на фақат аз навоҳии минтақаи Рашт, балки аз дигар шаҳру ноҳияхои ҷумҳурӣ низ ба омӯхтани илму касб машғул буда, дӯстона бо ҳам тахсил доранд.
Зимни мулоқот, ки дар арафаи таҷлил аз Рӯзи Сарқонуни кишвар доир гардиданд, сухан дар атрофи бахтномаи миллат- Конститутсияи Ҷумҳурии Тоҷикистон ва хатарҳои ҷаҳони муосир идома ёфта, ҷавонон ба дӯст доштани Ватан, пос доштани арзишҳои миллӣ ва огоҳ будан аз хатарҳои ҷаҳони муосир даъват шуданд.
Зикр шуд, ки дар шароити имрӯзаи ҷаҳонию минтақавӣ аз ҷавонон масъулияти даҳчанд такозо мегардад, зеро ҷавонон ояндаи миллат буда, танҳо донишу тафаккури баланд ва зиракии сиёсии онҳо метавонад қувваи бузурги онҳоро ба манфиати миллату давлат сафарбар намояд.
Ҷавонон зимни вохӯриҳо оид ба Сарқонуни кишвар ва содиқ будан ба ватану меҳани худ ибрози андеша намуданд.