Қаноатмандӣ аз сафари корӣ

Роҳбари дастгоҳи Кумитаи иҷроияи марказии Ҳизби Халқии Демократии Тоҷикистон Абдураҳмон Хонов зимни сафари корӣ ба вилояти Хатлон бо тартиби корбариву коргузорӣ, шароити корӣ ва дараҷаи таъминоти техникии Кумитаи иҷроияи ҲХДТ дар вилояти Хатлон ва Кумитаи иҷроияи ҲХДТ дар шаҳри Қӯрғонтеппа шинос шуда, аз кори Кумитаи иҷроияи вилоятӣ ва шаҳрӣ изҳори қаноатмандӣ намуд.

Роҳбари дастгоҳи КИМ ҲХДТ баҳри боз ҳам беҳтар ба роҳ мондани фаъолияти ҳизбӣ ва дар асоси санадҳои меъёрию ҳуқуқии вобаста ба фаъолияти ҳизб ба роҳ мондани кор, таъмин намудани дастуру супоришҳои Раиси муаззами ҲХДТ, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба кормандони масъули ҳизбӣ дастуру супоришҳои мушаххас дод.

Бо истифода аз фурсати муносиб А. Хонов барои саҳми арзандаи Кумитаҳои иҷроияи шаҳри Қӯрғонтеппа, Кӯлоб ва ноҳияи Бохтар дар ҷамъбасти маъракаи обуна ба нашрияи «Минбари халқ» дар соли 2016, ба онҳо туҳфаҳои КИМ ҲХДТ-ро дар маҷлиси Кумитаи иҷроияи ҲХДТ дар вилояти Хатлон тақдим намуд. Ба кумитаҳои иҷроияи ҲХДТ дар шаҳри Қӯрғонтеппа як адад компютер ва Кӯлобу ноҳияи Бохтар як адади телевизор супорида шуд. Ҳизбиёни вилоят аз ин иқдоми КИМ ҲХДТ руҳбаланд гардида, ваъда доданд, ки маъракаи имсолаи обуна ба нашрияи «Минбари халқ»-ро муташаккилона гузаронида, иҷроиши нақшаи аз ҷониби КИМ ҲХДТ муқарраршударо сарбаландона таъмин менамоянд.