Роҳпаймоии ҷавонон

Бо ибтикори Кумитаи Иҷроияи ҲХДТ дар вилояти Суғд дар ноҳияи Деваштич дар якҷоягӣ бо бахши ҷавонон, варзиш ва сайёҳии ноҳия ва НТҶҶ «Созандагони Ватан» роҳпаймоии ҷавонон ба роҳ монда шуд. Дар роҳпаймоӣ ҷавонон-аъзои НТҶҶ “Созандагони Ватан” иштирок намуданд. Ҳамзамон ба ҷавонон-иштирокчиёни роҳпаймоӣ маводҳои тарғиботӣ тақсим карда дода шуд.

Дар раҳпаймоӣ беш аз 2 ҳазор нафар ҷавонон, сокинон, собиқадорону фаъолон аз тамоми ташкилоту муассисаҳо низ бо мақсади тарафдор будан ба раъйпурсии умумихалқии Чумҳурии Тоҷикистон ширкат намуданд.

Раиси ноҳия, узви КИ ҲХДТ дар н.Деваштич Рустам Ҷӯразода, собиқадори ҷангу меҳнат Даврон Эргашев ва намояндаи ҷавонон Вафоҷон Қӯлдошов баромад карда, оиди баргузории раъйпурсии умумихалқӣ ҷиҳати ворид намудани тағйиру иловаҳо ба Конститутсия(Сарқонун)-и Ҷумҳурии Тоҷикистон, ки рӯзи баргузории он санаи 22 май муайян гардидааст, суханронӣ намуданд. Дар баромадҳо қайд гардид, ки тағйиру иловаҳои ба Конститутсия пешбинигардида тавсияву тақвияти равандҳои демократикунонӣ дар мамлакат, рушди ҷомеаи Тоҷикистон ва боло рафтани авзои иқтисодию иҷтимоии онро инъикос карда, мақсади ниҳоии он фароҳам овардани шароити зиндагии арзанда ва инкишофи озодона ба ҳар як инсон арзёбӣ мегардад.