Барои ояндаи худ овоз медиҳем

Дар маркази ноҳияи Фархор тибқи нақшаи тасдиқнамудаи Кумитаи иҷроияи Ҳизби Халқии Демократии Тоҷикистон дар вилояти Хатлон дар робита бо Кумитаи иҷроияи Ҳизби Халқии Демократии Тоҷикистон дар ноҳияи Фархор, дар мувофиқа бо мақомоти иҷроияи ҳокимияти давлатии ноҳия, дар ҳамоҳангӣ бо Бахши ҷавонон, варзиш ва сайёҳии ноҳия, инчунин дар якҷоягӣ бо Ташкилоти ҷамъиятии ҷавонон «Созандагони Ватан» оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон ва раъйпурсии умумихалқӣ Аксияи ҳизбӣ таҳти унвони «Барои ояндаи боамну озодиву ободии Ватани маҳбубамон Тоҷикистон ва осудагиву хушбахтии худ овоз медиҳем!» бо тариқи роҳпаймоӣ гузаронида шуд.

Дар Аксияи ҳизбӣ бештар аз 1500 нафар ҷавонон ҷалб гардида буданд, ки онҳо донишҷӯёни Коллеҷи тиббии ноҳия, донишҷӯёни Литсейи касбӣ-техникии ноҳия ва хатмкунандагони муассисаҳои таҳсилоти миёнаи умумии маркази шаҳраки ноҳия буданд.

Зимни баргузории Аксияи Ҳизби Халқии Демократии Тоҷикистон дар маркази ноҳия таҳти садои наю карнаю доираю табл бештар аз 8400 маводҳои тарғиботӣ ба шаҳрвандони ноҳия тақсим карда шуданд.