Бақайдгирӣ Ворид
Ворид ба сомона
tj
» » » Ташкили маҳфили омӯзишии «Кошонаи саодат»

Ташкили маҳфили омӯзишии «Кошонаи саодат»

23-10-2015, 14:40
Хабарро хонданд: 234 нафар
Назарҳо: 0
Ташкили маҳфили омӯзишии «Кошонаи саодат»Бо мақсади мусоидат намудан дар таъмини пойдории оила, ҷалби ҳар чӣ бештари занону ҷавондухтарони бекор барои аз худ кардани ҳунарҳои аҷдодӣ ва ба ин васила баланд бардоштани вазъи иқтисодии оилаҳои ҷавон, баланд бардоштани маърифати молиявӣ (оқилона муомила кардан бо пул), одоби рӯзгордорӣ ва кадбонугӣ, фароҳам овардани шароит барои касбомӯзии духтарон ва ба шуғли доимӣ фаро гирифтани онҳо, шӯъбаи кор бо занони Кумитаи иҷроияи Ҳизби Халқии Демократии Тоҷиикистон дар шаҳри Хуҷанд ба роҳ мондани ҳамкориро бо бахши кор бо занон ва оилаи МИҲД-и шаҳр, Раёсати агентии шуғли аҳолӣ ва марказҳои таълимӣ ба нақша гирифтааст. Дар ин радиф, дар КВД Маркази таълимии шаҳри Хуҷанд Мизи мудаввар дар мавзӯи «Мусоидат намудан дар ташкили маҳфили омӯзишии Кошонаи саодат» баргузор гардид.
Иштирокдорони ин ҳамоищ андешаҳояшонро оиди масъалаи мазкур иброз намуда, ташкили ин маҳфили омӯзиширо айни муддао ва саривақтӣ ҳисобиданд. Собиқадори меҳнат, ходими давлатию сиёсӣ Биҳоҷал Раҳимова низ ташкили чунин маҳфили омӯзиширо мувофиқи мақсад ва манфиати онро барои ҷавонон хеле зиёд арзёбӣ намуд.
Раиси ташкилоти ибтидоии КВД Маркази таълимии шаҳри Хуҷанд М.Дадобоева дар бораи санадҳои меъёрию ҳуқуқии Ҷумҳурии Тоҷикистон дар бораи баланд бардоштани мавқеи зан дар ҷомеа, қонуни Ҷумҳурии Тоҷикистон «Дар бораи пешгирии зӯроварӣ дар оила» суханронӣ намуд.
Мудири шӯъбаи кор бо занони Кумитаи иҷроияи ҲХДТ дар шаҳри Хуҷанд Мукаррама Неъматова дар бораи ҳадафҳои асосии ташкили маҳфили омӯзишии «Кошонаи саодат» дар КВД Маркази таълимии шаҳри Хуҷанд истода гузашта, таъкид намуд, ки ба омӯзандагон дар баробари омӯзонидани ин ё он ҳунар сӯҳбати равонӣ, ҳуқуқӣ, машқи ташаккули маҳорати гуфтани «Сухани сеҳрнок», одоби муошират, рӯзгордорӣ ва омӯзонидани банақшагирии буҷаи оилавӣ ташкил карда шуда, дар ин суҳбату мулоқотҳо модарони собиқадор ва шахсони таҷрибаи бои зиндагидошта, кадбонуҳои беҳтарин, мутахассисони варзида, равоншиносону ҳуқуқшиносон дар бораи маърифати оиладорӣ маълумотҳои зарурӣ дода, сирри мустаҳкамии оиладориро бо роҳи пурсишу посух ба ҷавонон меомӯзонанд.
Ин чорабинӣ идомаи чорабиниҳо бахшида ба Соли Оила ва ба муносибати 25-солагии Истиқлолияти Ҷумҳурии Тоҷикистон мебошад.
©Кумитаи иҷроияи ҲХДТ дар шаҳри Хуҷанд
Мақоми мавод:
  
Чоп
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
Назари худро гузоред
Номи Шумо: *
E-mail: *
Матни назар:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Рамз: Включите эту картинку для отображения кода безопасности
Агар рамз ноаён бошад, он гоҳ пахш намоед
Рамзро ворид кунед: