Масъалаи хизматрасонии тиббӣ ба модару кӯдак баррасӣ гардид13-05-2025, 13:35
Хабарро хонданд: 274 нафар
Назарҳо: 0
 Табодули таҷрибаи табибони Тоҷикистон ва Эрон дар самти омӯзиш ва ба роҳ мондани усулҳои нави ташхису табобат дар самти акушер-гинекологӣ, густариши ҳамкорӣ дар бахши хизматрасонии тиббӣ ба модару кӯдак ва дигар масъалаҳо 10 май зимни вохӯрии намояндагони ду давлат мавриди баррасӣ қарор гирифтанд.Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» иттилоъ доданд, хизматрасонии тиббӣ ба модару кӯдак дар мамлакат яке аз самтҳои афзалиятноки соҳаи тандурустӣ ба шумор меравад. Дар ин самт аз ҷониби давлату Ҳукумати мамлакат пайваста тадбирҳои муҳиму саривақтӣ амалӣ карда мешаванд. Табибони Донишгоҳи улумпизишкии Шаҳид Биҳиштии Ҷумҳурии Исломии Эрон дар Тоҷикистон дар Беморхонаи клиникии вилояти Хатлон ба номи Б.Воҳидов, Муассисаи давлатии «Беморхонаи ҷумҳуриявии клиникии ноҳияи Данғара»-и вилояти Хатлон ва барои акушер-гинекологҳои вилояти Суғд машварати омӯзишӣ гузарониданд. Ҳадафи ин омӯзиш баланд бардоштани сатҳу сифати хизматрасонии тиббӣ ба модару кӯдак ва тақвияти донишу малакаи табибон дар самти бемориҳои акушерӣ- гинекологӣ мебошад. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
