Ҳамоиши “Бонувони шуҷои Ватан” доир гардид22-02-2023, 12:54
Хабарро хонданд: 325 нафар
Назарҳо: 0
 Дар Кумитаи кор бо занон ва оилаи назди Ҳукумати Ҷумҳурии Тоҷикистон 22 феврал бахшида ба 30-солагии таъсисёбии Қувваҳои Мусаллаҳ ҳамоиши “Бонувони шуҷои Ватан” бо иштироки бонувони низомипӯши сохторҳои қудратӣ ва ҳифзи ҳуқуқ баргузор гардид. Ҳилолбӣ Курбонзода, раиси Кумитаи кор бо занон ва оилаи назди Ҳукумати Ҷумҳурии Тоҷикистон ҳамоишро оғоз намуда, иброз дошт, ки Ҳукумати мамлакат ҳамеша ба бонувон таваҷҷуҳи махсус зоҳир намуда, баҳри ин қишри ҷомеа тамоми шароитҳоро фароҳам овардааст, то онҳо дар дилхоҳ соҳа фаъолияти назаррас дошта бошанд. Гуфта шуд, ки маҳз дар партави дастгириҳои пайвастаи Пешвои миллат сол то сол теъдоди занону бонувон дар сохторҳои кудративу низомӣ зиёд гардида, имрӯз дар Суди Олӣ 249 нафар, Суди конститутсионӣ 9 нафар ба хайси судя ва ёрдамчиёни судяҳо, дар Прокуратураи генералӣ 72 нафар, Вазорати корҳои дохилӣ 1443 нафар, Вазорати мудофиа 519 нафар, Кумитаи давлатии амнияти миллӣ 842 нафар фаъолияти густурда дошта, дар умум 3 327 нафар занону бонувони матиниродаи тоҷик бо сарбаландӣ ба халқу ватан хизмат намуда истодаанд. Дар фарҷоми ҳамоиш ба афсарзанони матин барои хизматҳои шоён туҳфаҳои хотиравӣ супорида шуда, намоиши барномаи рангини фарҳангӣ фароғатӣ гузаронида шуд. Саида ХОҶАЕВА |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
