Дар Сурия хабарнигорон зери тирборон монданд4-03-2016, 14:37
Хабарро хонданд: 284 нафар
Назарҳо: 0
 Ба иттилои намояндаи вазорати мудофиаи ФР Игор Конашенков, тирпарронӣ аз минтақаи рустои Дама дар атрофи Идлиб сурат гирифтааст. Хабарнигорон аз Булғористон, Канада ва Чин ҷароҳатҳои андаке бардоштаанд. Ба иттилои ин манбаъ, афсари артиши Сурия хабар додааст, ки ҷангиёни гурӯҳи ифротии "Ҷабҳат ан-Нусра" тирпарронӣ кардаанд, ки муқаррароти оташбас ба онҳо марбут намешавад. Дар маҷмӯъ, дар шабонарӯзи гузашта Маркази русиягии оштии ҷонибҳои даргир дар Сурия 15 мавриди поймолшавии оташбасро ошкор кардааст, ки бештаре аз онҳо дар Димишқ ва вилоятҳои Ҳумс, Ҳалаб ва Латакия рух додаанд. Рӯзи душанбе котиби давлатии ИМА Ҷон Керрӣ гуфт, ки ҳамаи мавридҳои вайрон кардани муқаррароти оташбас дар Сурия таҳқиқ мешаванд ва ҳоло барои нофарҷом донистани оташбас асосе вуҷуд надорад. Аммо мухолифони суриягӣ бар инанд, ки оташбасе вуҷуд надорад, зеро нерӯҳои Башор Асад ҳамла ба шӯришиёнро давом медиҳанд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
