Муҳимтарин рӯйдодҳои 30 ноябр дар ҷаҳон

Соли 1731 дар натиҷаи заминҷунбӣ қисмати зиёди Пекин хароб гардида, бештар аз 100 ҳазор нафар ба ҳалокат расиданд.
Соли 1876 соҳибкор ва ихтироъкор Павел Николаевич Яблочков барои ихтироъ кардани трансформатор патент ба даст овард.
Соли 1922 Ташкилоти байналмилалии кумак ба ҷанговарони инқилобӣ таъсис дода шуд.
Соли 1966 Барбадос истиқлол ба даст овард.
Соли 1872 дар шаҳри Глазгои Шотландия аввалин мусобиқаи расмии байналмилалӣ оид ба футбол баргузор гардид.

Муҳимтарин рӯйдодҳои 30 ноябр дар Тоҷикистон

Соли 2001 дар шаҳри Маскави Русия саммити ҷашнии Шӯрои Сарони давлатҳои аъзои ИДМ баргузор гардид.
Соли 2012 котибони матбуотӣ ва роҳбарони маркази матбуотии вазорату идораҳои мамлакат ташкилоти ҷамъиятии худ – Шӯрои котибони матбуотии Тоҷикистонро таъсис доданд.
Соли 2015 Президенти Ҷумҳурии Тоҷикистон Эмомалӣ Раҳмон дар шаҳри Порис дар нишасти сарони кишварҳои тарафҳои Конвенсияи тағйири иқлим (Конфронси 21), ки ба мушкили бузурги сайёра — тағйирёбии иқлим бахшида шуд, суханронӣ карданд.
Соли 2016 Эмомалӣ Раҳмон баъд аз анҷом додани боздиди корӣ дар шаҳри Будапешти Венгрия бо сафари расмӣ ба шаҳри Прагаи Ҷумҳурии Чехия рафтанд.
Соли 2016 дар Маркази тадқиқоти стратегии назди Президенти Ҷумҳурии Тоҷикистон дар мавзӯи "Сиёсати сармоягузории Тоҷикистон: вазъ ва дурнамо" симпозиуми илмӣ- амалӣ баргузор гардид.
Соли 2017 ҳайати Ҷумҳурии Тоҷикистон дар ҷаласаи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯроҳои амнияти Созмони Аҳдномаи амнияти дастаҷамъӣ дар шаҳри Минск иштирок намуд.

Ҷашнҳои рӯзи 30 ноябр

Рӯзи байналмилалии ҳифзи иттилоот
Рӯзи байналмилалии ҳайвоноти хонагӣ
Дар Яман - Рӯзи истиқлолият

Рӯзи 30 ноябр дар Тоҷикистон кӣ ба дунё омадааст?

Соли 1894 - Ҳофизи халқӣ Ҳикмат Ризо.
Соли 1933 - ҳунарманди сирк ва Ҳунарманди халқии Тоҷикистон Пирназар Юсуфов.

Т. ОРИФӢ