Тибқи назарияи ҷадид, аввалин сироят аз коронавирус тақрибан даҳ сол пеш сабт шудааст

Коронавирус эҳтимолан дар бадани як нақбкани чинӣ, ки соли 2012 ба ин вирус мубтало шудааст, ба вуҷуд омадааст. Дар ин бора "Telegraph" бо истинод ба мудири иҷроияи ширкати амрикоии "Bioscience Resource Project Jonathan Latham" хабар медиҳад.
Ба гуфти коршинос, COVID-19 метавонад муддати тӯлонӣ дар бадани инсон рушд кунад ва тағйир ёбад.
"Дар бадани як нақбкан садҳо мутатсия ба вуҷуд омада, боиси пайдоиши Sars-Cov-2 гардид. Даҳсолаҳои рушд тақрибан ба шаш моҳ рост меояд",-гуфт Латэм.
Вай қайд кард, ки коронавирус аз намунаи тиббӣ, ки аз нақбканони сироятёфта гирифта шудааст, зуҳур кард.
Маълум аст, ки соли 2012 шаш нақбкан барои тоза кардани партовҳои кӯршабпарак ба кони ғайрифаъоле дар ноҳияи Моҷян фаромадаанд, қайд мекунад Telegraph. Пасон, онҳо бо сирояти шабеҳи нишонаҳои COVID-19 гирифтор шуданд. Аз шаш нақбкан се нафарашон фавтиданд. Баъдтар, олимони Институти вирусологияи Вуҳан ба кон омада, барои омӯзиши патогенҳо мавод ҷамъоарӣ карданд.
Нашрия таъкид мекунад, ки аз соли 2012 то 2015 дар кон ва гирду атрофи он тақрибан 300 ҳолати коронавирус ба қайд гирифта шудааст. Дар байни онҳо онест, ки "аҷдоди" ҳозираи COVID-19 ҳисобида мешавад.
Ёдовар мешавем, ки пандемияи COVID-19 дар шаҳри Вуҳани Чин моҳи декабри соли 2019 буруз карда буд. Ҳоло дар ҷаҳон ду назарияи пайдоиши коронавирус вуҷуд дорад.
Якумаш ин аст, ки COVID-19 ба одамон аз кӯршабпаракҳо интиқол ёфтааст. Назарияи дуюм пайдоиши коронавирусро аз лаборатория мефаҳмонад.
Коронавирус дар Русия

Т.О.