7-9 июл дар Тоҷикистон ҳаво то 48 дараҷа гарм мешавад6-07-2021, 14:52
Хабарро хонданд: 135 нафар
Назарҳо: 0
 7-9 июли соли равон бо сабаби ворид шудани ҳавои хушку гарм аз минтақаҳои ҷанубу ғарб дар ҷумҳурӣ ҳарорати ҳаво боло рафта, то 45+48 дараҷа гарм мешавад. Дар ин бора аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.Тибқи иттилои манбаъ, 7-10 июл дар минтақаҳои алоҳидаи кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон эҳтимоли сар задани селҳои пиряхӣ пешгӯӣ мешавад. Дар ин давра бо сабаби болоравии ҳарорати ҳаво баландшавии сатҳи оби ҳавзаи дарёҳои Панҷ, Вахш ва Зарафшон дар назар дошта шудааст. Бино ба тавсияи мутахассисони соҳаи тандурустӣ, баланд шудани ҳарорати ҳово боиси авҷи бемориҳои дилу рагҳо, диққи нафас, диабети қанд, фишорбаландӣ ва дигар маризиҳо мегардад. Аз ин рӯ нафароне, ки аз бемориҳои мазкур ранҷ мекашанд, ба саломатии худ диққати чиддӣ дода, аз рўйи маслиҳати табибон амал намоянд. Инчунин бе сабаб дар зери шуои офтоб гаштугузор нанамоянд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
