Ҷашни Пирӯзӣ ва раъйпурсии тағйири Конститутсия дар Русия мумкин аст, 24 июн баргузор шавад21-05-2020, 10:33
Хабарро хонданд: 467 нафар
Назарҳо: 0
 Дар Кремл имкони баргузории ҷашни Пирӯзӣ дар Ҷанги дувуми ҷаҳонӣ ва раъйпурсии тағйирот ба Конститутсияро дар як рӯз - 24 июн баррасӣ доранд. Дар ин бора расонаҳо бо такя ба манобеи худ иттилоъ медиҳанд. 24 июн ҳамчун рӯзи асосии баргузории гузашти низомӣ бахшида ба Пирӯзӣ дар Ҷанги дувуми ҷаҳонӣ дар ҳоли баррасӣ аст. Маҳз 24 июни соли 1945 бори аввал бахшида ба пирӯзӣ дар Ҷанги бузурги ватанӣ гузашти низомӣ баргузор шуда буд. Манобеъ дар Кремл гуфтанд, ки доир кардани ду чорабинӣ дар як рӯз аз он ҷиҳат мувофиқ аст, ки рӯзи 24 истироҳат эълом хоҳад шуд. Владимир Путин, президенти Русия 25 март хабар дод, ки ба далели вабои вируси корона раъйдиҳии тағйирот ба Конститутсия ба таъхир гузошта мешавад. Миёнаҳои моҳи арпел эълом шуд, ки гузашти низомии бахшида ба Пирӯзӣ низ ба таъхир меафтад. Бино ба иттилои охирин, дар Русия то 19 май қариб 300 ҳазор ҳолати гирифторӣ ба вируси корона сабт шудааст. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
